الوايلي هذاك يمنى رفيقه

ماتنتهي خوة هلَ العز والشان
الا على من هو تخافـت بريقه

انا رفـيقي بالقسى مصدر امان
مراجـله في زفرتـه في شهـيقه

اللي اذا غـبــنّا وصـلنا بليـهان
امـا اتصال او مـرنا فـي طريقه

وليّـا علقنا بين مطرق وسندان
يصهل وغيره يزعجك في نهيقه

ولا القطوع مقطع اربع وطقعان
ماله خوي يصـفاه بين الخليقه

سيسان بيتـه بالوفاء ماله اركان
منسوجتن نسج العناكب رقيقه

ياعنـك ماهـو زي صالح لبيـدان
الوايـلي هـذاك … يمـنى رفيـقه

ماغـيـروه فـلان وفــلان وفــلان
حـواجـبـه قـدام ربـعـه طـليـقه

لو تاخذه طرقوع مانمت عطشان
ومـن يشربـه كلـه فـلا بـلّ ريـقه