حكم ..الظلام ..ومنهج الظلم دستور
واللي ..يتكلم ...بالعدل...برجوازي
يرسخ افكاره ..على ..شعب مغمور
يقتل قتيل وله ...يقدم ...تعازي
واللي قريته ..من تواريخه سطور
مفادها انه...من قديم ..انتهازي
معتز ..في نفسه وطايش ومغرور
من دور شيتو خان ..كان انحيازي
قوقاز ثارت من ورى الظلم والجور
واعلن جهاده ضدهم ...والمغازي
غوكتورك علمه من ورى صينهم سور
واصدر رساله ..حكم اسمه ..مجازي
وعقبه قرون من الدهر مرت عصور
ومنه حكم دار العرب ...بأسم (غازي)
وتفرعت اشجارهم من ورى الدور
واستحكموا نص الدول بأمتيازي
واللحين حاضرنا على الكل محصور
ماضي يتكرر ..في خطوط ارتكازي
واليا نسيت..؟ اذكر معانات ..جمهور
لو كان همك....بالكلام...ابتزازي
ما بينهم حرب وعداوات ودهور
وشين يجوز وشي ما بعد جازي
كلهود ...مع كوران والثالث اللور
رابعهم اسمه ..قلت مالله موازي
ان جيت اظلل بالتعابير مجبور
مجبور افيم بالقصايد ..قزازي
حنا العرب مبطي لنا العز مذكور
باسلامنا ..عز ..العرب واعتزازي
غيره فلا تلقى..لنا عز ..مشهور
من دور ابن حيان والطب رازي
صدري متاهه ..والحكي فيه طابور
واتعبت من ضيقة خفوقي ..جهازي
خلك على فيروز ..في صبح مغمور
وسلطن على نغمات ريشه عزازي
#ضاري_الناهض_الشمري