يا بديع الكون ، يالله الصمد
يالعزيز و يالحميد و يالودود
الحليم البر لم يولد ولم يلد
فوق عرشه عالم بكل الوجود
يا إلهٍ لم يكن لَكَ كفواً احد
وماتحيطك من عِظم ذاتك حدود
رافع السبع الطباق بلا عمد
ومنشي ثقال السحا برق ورعود
كافرين بكل ربٍ ماسواك ومن عبد
وكافرينِ بالمجوس والنصارى واليهود
وما سواك اللي نبي منه المدد
وغيث جودك طامعينٍ به تجود
كثر كمٍّ من عبادك لك سجد
وعد رملٍ بالوطا ،، قاع و نفود
ارحم اللي ساكنٍ وسط اللحد
طالبينك في دعانا بالركوع وبالسجود
وارزقه جنات عدن إلى الأبد
ولا لنا بعد الدعاء منّك صدود
أبو ناجم عمي القرم الولد
عمي اللي لانتهض نرقى سنود
صادق الميلاف بل واف العهد
ومن يعرفه كل ابوهم لي شهود
والعزاء مني لكم أسد أسد
ياعياله يالنشاما ياعريبين الجدود
صاغها دمع المحبة ،، من فهد
والعزاء لي قبل انا اعزي ،، حمود