البداية ..لكل شخص ..لكن اسرار النهايه
الوفيين استمروا ..وراحوا اللي عابرين
يا صديقي في طريقي كم عابر كم تايه
كم شفت واعترفت ان الوفا شيء ثمين
يا سخافات الحسايف..لكل عابر من ورايه
كم طعنت وما استعنت الا برب العالمين
لكل ماضي كان فاضي واعتراضي منتهايه
كم تجيني تعتريني كل ضيقات السنين
احتويت ..واكتويت ما نسيت اللي معايه
و ما انكسرت وكم عذرت وخبت يالعذر السمين
الوجيه اللي تجيني ما لها بالطيب غايه
والوجيه اللي نسيته مالها قدرن ثمين
انت واحد منت شاهد وانتعاهد ...يا غلايه
يا بدايات الاماني...يا نهايات الحنين
اهتمامي واحترامي في كلامي والحكايه
كلها قصة مشاعر ..والمشاعر تستعين
بالقصايد والفرايد من قصيدي من عنايه
في حروفي سر جوفي اكتبه مدري لمين
استوائي واحتوائي وازردائي يا منايه
للعقارب مو اقارب ابعد من اللي تهقين
انثريني واجمعيني ..من شذا عبق الروايه
واكتبيني سطر واحد كان يمدي تكتبين
استبدي واستعدي ..كان ودي يالمرايه
المح بوجهي عباره صادقه عبر الانين
استقري فوق جمري واحضنيني يا هوايه
يكشفوني من عيوني واضح السر الدفين
البداية ..كانت اوضح من تفاصيل النهايه
وبالنهاية ما يكمل معك ناسن عابرين
#ضاري الشمري
اسرار النهاية
العرض الشجري
