انا اخو صبحا والخوال السليطات
اهل الشجاعه والوفاء والصياني
قد عشو العرجا سنين المجاعات
يوم الجمل والهنمي والحصاني
من قبل ماتطلع علينا هالالات
ولا ينثني منهم عن العز ثاني
اليا اقبلوا يقبل صباح الشريفات
ويقبل على دار المعادي هواني
يرسون في وقت الرخاء والملمات
وفي مدحهم تقصر علي المعاني
خوالي اللي لابغو حاجة جات
كن الدقايق في مداهم ثواني
قلته وانا من لابة بالطويلات
يشهد لهم حد الصقيل اليماني
اسيوفهم وقت المعارك شطيرات
وكفوفهم بالكون خصمه يعاني
بهم غضب موج البحر والمحيطات
وبهم كرم شط النهر والمواني
هيهات يقصر عنهم الطيب هيهات
مردان لا ضاقت فجوج الزماني
تلقى العطا تلقى النقا والمروات
وجه السعد في طبعهم شي ثاني
وتلقى لهم في كل ميدان صولات
ربع ترد أرواح من جاه عاني
هذا وحنا في زمان السلامات
بظلال اخو نورة رفيع المكاني
دار سكن به لي جدود وجدات
وابوي وامي وجارنا المسلماني
عبدالكريم الطيب في ماضي فات
يستاهل التكريم طلق اليماني
ولاهو قصور باللحى والشنبات
اللي لهم في مرقب العز شاني
وختامها قلته من الذات للذات
شاعر عطاوي وافتخر في كياني
.gif){kind=icon}
أنا اخو صبحا والخوال السليطات
رد: أنا اخو صبحا والخوال السليطات
العرض العادي
