واحد من الربع يقول ليش ماتكتبون الشعرباللهجة الشمريه ضيعتو لهجتكم قلت الشعرماله لهجه معينه اهم شي يكون جزل ولكن عيا لايقتنع فكتبت هذه الابيات على شان ارضيه بس
حان الاوان وشرد الابيات جنن
وصالة معاليق الضماير وجاله
شردالقوافي في حشاي ازعجنن
واشتقت نظم العاصيه والجزاله
هاجن وماجن بالحشا و استكنن
وكسيتهن ثوب الترف والبساله
اليا ركبت اكوارهن طاوعنن
فارس وسرج المفرده لي خياله
واليا عتليت سروجهن ماعصنن
اصخّر الجزلات واترك هزاله
انا هويت العاصيات وهونن
واخترت نظم اللي ينومس مقاله
سقت الخزايز باالعصا ماغضبنن
وطوعتهن لين اصبحن لي زماله
قالو لي انق المفردات وتفنن
باللهجت اللي كل شهمن سعاله
في لهجت الاجداد طب المجنن
اللهجت اللي تستحق الوفاله
واقول ماني بالقصيد متمنن
خوذو من المنهل كساه وجماله
مشعل عسام التريباني الشمري في ٢٧/٨/١٤٤١هجري
ابيات باللغه الشمريه البحته👆🏻
حان الاوان وشرد الابيات جنن
العرض العادي
