( الشامله )
للذم ديانٍ وللمدح ديان
ولمجابه الثنتين عندي حميه
ياذام ذمك للاجاويد بهتان
مذمتك ماهي علينا خفيه
مذمت الناقص على الزود نقصان
ماحركة روس الغصون النديه
ذميت من حطو للامجاد عنوان
ماخفت رب البيت منجي نبيه
ذميت من مدولنا كف الاحسان
اللي يديهم بالعطايا مليه
ذميت من يثنون في كل ميدان
اهل الكرم والجود واهل الحميه
ذباحة المفرود ذباحة الظان
يوم الولد يبخل على والديه
من الفقر مايشبع الذيب سرحان
حاله تردت والموارد رديه
لاجيتهم عدك على طاش حبان
ابيوتهم للضيف دايم فظيه
تلقا بها مابين شبٍ وشيبان
وساع الرباع اللي به الشاذليه
وصينيةٍ يشبع بها كل جيعان
فيها الشحم متخالطن مع حليه
مكارمٍ تذكر على مر الازمان
من يمنى ابو خوذه ويمنى بنيه
اللي عطاياهم جزيلات واثمان
مداتهم تتعب ظهور المطيه
والفارس المشهور حماي الاضعان
مطلق زبون الكايدات العتيه
مقدام شمر يوم روغات الاذهان
شلفاه باللقوات مثل الشظيه
ومسلط على شمر عقيد وسلطان
سلطان قومٍ ماتخلي خويه
ماياخذ الا من طويلات الارسان
بالسيف الاملح ماخذاها عطيه
وفارس ليا عدوه من روس فرسان
زيزوم غلبا بالسنين المظيه
يشهد الفعله باللقا كل ميدان
فعلٍ مخلد للجيال الفتيه
وصفوق ضد اللي به الزوم طغيان
عوق الخصيم محطم العنجهيه
يوم الليالي دبرن والزمن شان
قال ابشري بالعز يالوايليه
والباشه اللي لاصهل كنه حصان
وثق لشمر سيرةٍ ملحميه
قاص البحور وجاب درن ومرجان
وحاز الفخر والمجد والمعرفيه
وعجيل لاعدو زهيبر وسلطان
كل القبايل تحتمي تحت فيه
بالحكم طوع كل عاصي وزعلان
لين استوت له خدها مع طميه
ومحسن زعيم المرجله عالي الشان
لامر ذكره قدموله تحيه
الذيب الاحمر لاغشى الجو دخان
يسقي العدا بالكون كاس المنيه
وسعود سعد اللي تنصاه بلشان
ريف الضعيف اللي حياته شقيه
هداج تيما مرويٍ كل ضميان
مروي الكبود اليابسات الضميه
والفيصلي نايف سلايل كحيلان
ابو الحميس اللي علومه جليه
يفرح لياجوله من البعد ضيفان
على الشحم والعود ومهيليه
اليا انطرو بالمرجله شانهم شان
روس المراجل ماخذينه عصيه
غصبن عن اللي مايطاوع بالارسان
عقب الزعل والزوم عاف الركيه
يوم المغازي واللقا يوم الاكوان
في ظلهم ماصاحت الشمريه
هداتهم يشبع بها الذيب سرحان
اليا تناخو فوق ظهر العبيه
شوخٍ لنا في ماضي الوقت جربان
لاصار مابين القبايل حميه
عدوهم يرجع ذليلٍ وخسران
عقب الهدير اللاش تسمع رغيه
هذي فعيلهم قديمات وسمان
بينت منها والعضايم خفيه
واليوم حنا بظفة الشيخ فرحان
شيخ الطنايا متعبين المطيه
المكرم العادل به العدل ميزان
اللي كفوفه بالكرم حاتميه
له وقفةٍ ماياقفه غير بطران
وقفت رجل من دون ناسه وحيه
الله يفكه من صواديف الاشطان
عضيدنا عند الامور العتيه
شوفه يبشر بالسعد طير حوران
في مجلسٍ جامع وجيهن رضيه
ذكرتهم والعلم وافي ومليان
علمٍ موثق بالفعال القويه
وختامها صلوا على راعي الشان
المصطفى المبعوث خير البريه
( حامد الذرعي )[/justify][/LEFT][/LEFT][/LEFT][/LEFT][/CENTER]
حامد الذرعي ( قصيده بعنوان الشامله )
العرض العادي
