رديـّة الشيوخ.. الصديد , اللغيصم

رديـّة بـيـن

الشيخ الشاعر فهد بن عواد بن اللغيصم والشيخ الشاعر صعب بن حاكم بن الصديد

في الشيخ محمد بن نواف بن عبدالله اللغيصم




الشيخ فهد اللغيصم

زلزلي يالقصايد وأتعبي يالحروف = الشعر جتني أبياته وذي هدته
زلزلي يالقصايد ومرحبا بالضيوف = في حفل شيخ معرب على حفلته
جده الشيخ عبدالله وكل معروف = والخوال الصديد وجت على حزته
والأبو الشيخ ابو نايف معين الضعوف = وهو محمد ولد نواف وذي هدته
بين أخوان جوزاء وأخو رفعه وشوف = بين شيخان شمر والفعل منبته
وشوف ياللي تناظر كيف رفع السيوف = وشوف جمع الطنايا ماحلا جمعته
وشوف شمر عدل بالعين كيف الصفوف = وألف شكرا لشمر والطنايا مانسته

الشيخ صعب الصديد

ارجهنت للقصايد وأستعدت للوصوف = القرايح يوم اسوقه عارفن وش فنته
لو اقول البيت هذا صفقولي بالكفوف = أتحدى بالجزايل شيعته مع سنته
لاكن محمد دعاني يوم سند بالحروف = قال خالي قلت تبشر بالصقيل وعدته
انت جديك الزعامه وانت جديك السيوف = أخو جوزاء وأخو رفعه معتلين قمته
وانت جديك الصوارم وش عليك من الضعوف = مانفع حسني مبارك بلطجية شلته
خل عاد إني بغني دام زانت لي الصفوف = جنبو عني أبحذف هالعقال وغترته
اسمعوا ياهل الجزيرة واسمعوا ياهل الهفوف = عندي محمد يساوي من المحيط لجدته
ليه لان الشيخ هذا كالوحش واف الكفوف = هيلعن ماهو يضايف صيرمي بهدته
وليه لان الشيخ هذا ليث والليث معروف = يفرس الذيب وفقاره لين يرمي جثته
ابن نواف العطايا واطين خشم الظروف = ابو نايف لانصيته سعد منهو فزعته

اتمنى ان تنال على اعجابكم