دغيم الظلماوي في سطور وقصيدته على الامير محمد العبدالله

دغيم الظلماوي من حمايل شمر المعروفه واشتهر بعصره في الكرم وقال قصيده مشهوره
على القهوه موجهها الى ابنه كليب وانتشرت القصيده وسمع الامير محمد العبدالله الرشيد
واراد ان يتأكد من دغيم ويرى مدى صدقه وسار الى منزل دغيم معه مركوبه من اربعين
ووصل اول الليل الى بيت دغيم وفعلا راى الفعل كما قال دغيم وايضاً قال قصيده بحضور
الامير محمد العبدالله وردالامير لياصار هذا فعلك قهوتك علينا
وهذه قصيدة دغيم يوجهها لابنه كليب

يامل قلب ٍ عد حامي يضبه =ضبة مسامير السداد الضبابي
صبري قضى لوهو على ضرع جبه= ولو هو على خشم ام سنمان ذابي
ياكليب شب النار ياكليب شبه=عليك شبه والحطب لك يجابي
والقط لها ياكليب من جزل حبه=وشبه ليامن غفى كل هابي
أبيك لياشبيتها ثم اشلهبه= تدعي لها ربع بعيدن غيابي
تجيبهم لوهو بعيد ٍ مشبه= ولاهم قريبين لنبح الكلابي
سرات بليل وناطحين مهبه=متلثمين وسوقهم بالعقابي
نسرية ياكليب صلف مهبه = ليا نسنست كنها سم دابي
كم واحد ليانسنست يلعن ابه=تغدي عليهم من حساب الزهابي
لياجاظع المنزوع خطو الجلبه=ياحلو طق عصيهم بالركابي
والوالمه ياكليب اعجل بصبه =والرزق عند اللي يجيب السحابي
وانا علي ياكليب ماها وحبه =ودقه وتقليط الدلال العذابي
واحمس علىجمره عن حراق حبه=لياما العرق تشوفه على الحب ذابي
ودقه بنجرن تالي الليل نبه =يشادي لذيب ٍلياعوى براس نابي
ودق البهاروبهره ثم صبه = تصبغ على الفنجال مثل الخضابي
ومن يوجعه راسه ترى الهيل طبه= وليا تقهوى وهاجس الكيف طابي
وخطر ٍ على كبش المربى نجبه = لو زودوا فيه الثمن مانهابي
نذبح لهم كبش ٍ عريض الملبه = ومن حمر السكين نحني الركابي
ومع فنجا ل مزين طبخ حبه = والعذر مع هذا وزين الجوابي
ونبدي لهم ياكليب هرج المحبه = لياجنب الهين عريض العلابي
وبهرج احلى من شخاليل جبه = واحلى من السمن الجديد العرابي
بقلب نصوح ماحكى بالمسبه = لياعرطل الاجواد خطو الهلابي
وخطو الولد لوله زبون وجبه = عاريه على معير الشبابي
عن الطيب عده غارس له بغبه = يتعب على درب الردى مايهابي
والطيب صبر وراعي الصبر غبه=يرقى بروس مشمرخات الهضابي
ومن لاصبر ياكليب في حكم ربه = هذاك يوم البعث ماله ثوابي
يارب ناخذ بادي العمر عبه = من قبل ماينسف علينا الترابي

===============================================



وهذي قصيدته موجهه للاميرمحمد العبدالله رحمهم الله

شدك رهن لولاك ماقلت ياكليب شبه = ولاقلت شب النار وصر موقدن له
أنت الذي مافيك شك ٍ ولاريب = فرز ٍ تفرج مبهمات ٍ تفله
أبو اليتاما والعمى والمحاديب = وأبو من صار العصا ثالث له
لياجا يتوكا فوق عتل المصاليب = ليا شان به وقته تصير ولد له
تملى محاليب وتقفي محاليب = ونفسً تيبسها ونفس ٍ تبله
ومن كل في ً لافياتك مركيب = مهو غلا يالضيغمي مار ذله
وياامير طيبك مالقيله حواسيب = ظلما وغيم وديم ويبحل مدله
والمرجله بير عسير المجاذيب = تسعين باع ٍ ثلثها كان كله
حشته ونشته يانحاز الاجانيب = وصدته كما طير ٍ هوى له حبله
وافطن لنفسك ياقليل العذاريب = لو تستحي ماتاخذ الطيب كله
وانا لي حمود حصان الاطاليب = لياناشن المسمار بالجاز تله

وقال دغيم قصيده رثاء في الاميرمحمد العبدالله الرشيد عند وفاته رحمه الله لااعرف منها

سوى ابيات قليله ومن يعرف من الاخوه لايبخل علينا لان مهمتنا تجميع تراثنا وكلنا نتعاون

لاوالله الا مت ياراعي البيت =شمر غداله عند راسك لجاجه
لاوالله الا مع شفا الجال هفيت = لابالحسايف ياعقاب الزراجه
اقفن منك عوص النضا وانت ظليت = مالك بهن ياريف الايتام حاجه
خليتنا زكرت نوقف بلا بيت = خليتنا قصر الاخيضر خفاجه
لو التماني يرجعنك تمنيت = حتى صغير السن يعلق سراجه

قصيدة خضير الصعيليك على دغيم الظلماوي

ياراكب حر ٍ نجبنا ظرابه = من ساس عركوم ولد عيدهيه
صمك خلى لياشاف زول ٍ عدابه = وترى الهبا واخطاه خطو السديه
يلفي لدغيم شوق جالي عذابه =ياشوق من كن العسل بيشفيه
لوه رفتن تلقى الذرا والعشابه = ودلال بهن بن الشاذريه
الحمسه نصف الصاع ولا رهابه= لياشح بالحمسه خطاة الدهيه
وريف الحفايا والهجافا ركابه = لياجت من البيدا تصاقع يديه
الصبح وسم لحيث بان الصخا به =ردومن ممر ادراكها والحنيه
وقل ياخو وضحا الناس بان الردى به = ومعاني عقب الخيار رديه
ومن هام درب المرجله ثم هابه = والمرجله تره عسير رقيه

 

 

 

 

 

 

 

 

 

 

تسلم يمينك اخوي سنجار على القصايد الرائعة التي عبرت عن دواعي نظمها
تقبل مروري

 

 

 

 

 

 

 

 

 

 

تسلم يمناك يا سنجار

 

 

 

 

 

 

 

 

 

 

رحم الله الامير محمد ودغيم الضلماوي رحمة واسعه

وبيض الله وجهك ياسنجار

 

 

 

 

 

 

 

 

 

 

بيض الله وجهك يابوزيد موضوع رائع عن أحد قمم الكرم في قبيلتنا العزيزه التي جمعت كل

مناقب الرجال الحسنه..!!

 

 

 

 

 

 

 

 

 

 

الله يعافيك اخوي سنجار

وفيه رواية اخرى لقصيدة دغيم الظلماوي .. يقول :-

مده رهن لولاك ماقلت ياكليب = ولا قلت شب النار وصر موقد ٍ له
في ليلة تجدع سواة المشاهيب= نسرية تلصق خليل لخله
يالجوهر الناريز يالمسك يالطيب = يا عنبرا من جربه مايمله
تكفي محاليب وتملى محاليب= وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوٍ لمن صار العصى ثالث له
وابو المحرول والعمى والمحاديب =ومن ضامته بعقاء تصير ولدا له
أن كان هرجي به عليكم عذاريب= سامح عسى اللي عقبك بألف حله

تحيتي لك

 

 

 

 

 

 

 

 

 

 

فيه بيت ماشفته بالقصيدة:

الضيغمي حط المراجل بعبه...وحنا نلقط مابقى بالترابي

 

 

 

 

 

 

 

 

 

 

تسلم يمينك "سنجار" يعطيك العافيه

 

 

 

 

 

 

 

 

 

 

المشاركة الأصلية كتبت بواسطة ذئب الجبل

فيه بيت ماشفته بالقصيدة:

الضيغمي حط المراجل بعبه...وحنا نلقط مابقى بالترابي

هذا بيت من قصيدة لراعي القصر ( قصر العشروات )

الله يعافيك سنجار

تحياتي

 

 

 

 

 

 

 

 

 

 

دغيم الظلماوي يمدح الامير محمد بن عبدالله بن رشيد والامير حمود بن عبيد بن رشيد :-

المرجلـه بيـره بعيـد المجـاذيـب=على بعض نـاس ٍ عسيـر ٍ متلـه
حشته ونشته يـا نحـاز الاجانيـب=حيثك مثل حر ٍ ضـرب لـه حبلّـه
حشته بعـدواتٍ بـروس المراقيـب=لا غبت يا حمـض الكبـود المغلـه
ياطير شلوى ما لقي بـك عذاريـب=لو تستحي ما تجمـع الطيـب كلـه
إنت الذي تلفـي عليـك المراكيـب=حين ٍ غلا يا ميـر واحيـان ذ لـه
يا مير طيبك ما لقي لـه حواسيـب=ظلمـا وغـدر وتايـه ٍ مستـد لـه
يا بو اليتامى والأرامل ومـن عيـب=وابو لمن صار العصـا ثالـث ٍ لـه
لا جا يتوكى فوق عـوج المصاليـب=لامال وقته صرت إنـت ولـد ٍ لـه
تكفـي محاليـب ٍ وتملـى محاليـب=كـبـد تيبسـهـا وكـبـد ٍ تبـلـه
مده رهن لولاك ما قلت يـا كليـب=ولا قول شب النار : صر موقد ٍ لـه
في ليلة ٍ تجـدع سـواة المشاهيـب=نسريـة ٍ تلصـق خليـل ٍ لخـلـه
نطعن بعزك يـا حصـان الاطاليـب=عسى اللي يجمع حزمتك مـا يفلـه
يالجوهر النارينز يالمسـك يالطيـب=يا عنبـر ٍ مـع ناقلـه مـا يملـه
إن كان هرجي به عليكـم عذاريـب=سامح عسى من عقبك لألـف حلـه
ولا انسى حمودٍ راس حصن المطاليب=لا خالـف المسمـار بالقـاز تلـه