الأمير / متعب الحمود العبيد الرشيدنبذة مختصره و قصائده

هو الأمير الشاعر الفارس متعب الحمود العبيد العلي الرشيد
أمه من المتعب من الرشيد
زوجته نورة السالم السبهان وهي أم إبن حمود المتعب
له إبن واحد إسمه حمود
توفي الامير متعب في حصار الدلم

ومن قصائد

محاورة بين الأميرين متعب الحمود العبيد الرشيد وضاري الفهيد العبيد الرشيد

أرسل الأمير متعب الحمود العبيد الرشيد-رحمه الله- هذه القصيدة للأمير ضاري الفهيد العبيد الرشيد وذلك حين طال بقاء الأمير متعب الحمود خارج دياره في الغزو
يقول رحمه الله :

راسٍ على الصكّات عـدّى على أيـوب >< بالصبـر والإيـقـان والاحـتسـابِ
اهـبْ يا وقـتٍ من الخيـر مسلـوب >< وقـتٍ به العـاقـل خطير ٍ ينـابـي
وهبّيت عمرٍ عن هوى النفس محجوب >< حقّـه من اللـذّات عـدّ الـوجـابِ
بـاح العـزا مني وسجلـت مكتـوب >< وابديت به سرّي وغـاية جـوابـي
وكـزّيت منـدوبٍ يصلّه لمحـبـوب >< عنّي ويخبر صاحـبي في جـوابـي
وقلّه تـرَنْ من ضيم الأيـام مركـوب >< ألا ولا يخفـاك لحْـق القصـا بـي
ذكرت بيـت اللي بالأفـكـار متعـوب >< عـزّ الله إنّـه قـال بيـتٍ وأصـابِ
اللي بصـوب وعيلته عَنْه في صـوب >< هـذاك مثلي بالعـنـا والـعـذابِ
ومن بعد ذا قلّه ترى الـردّ مـاجـوب >< بخـطٍ لعـل الخط يبـري صوابـي

الأمير/ متعب الحمود العبيد العلي الرشيد.

فرد عليه الأمير ضاري الفهيد العبيد الرشيد-رحمه الله- بهذه القصيدة:
دنيـاك هـذي تقـل دولاب دالــوب >< تفني عـمـار النـاس بالاقـتـلابِ
نوبٍ تزين وحـادث الدهـر مرهـوب >< طبعت على التفريق بين الحبـابـي
قد فرّقـت ما بين يوسـف و يعقـوب >< وإلا فأنـا وجـدي على قـدّ مابـي
لي صاحبٍ شخصه عن العين محجوب >< ولا ساعةٍ عن عيـن قـلبي يغـابِ
أقـفى وأنـا قفّيت والدمع مسكـوب >< وفزّيـت له عقب مْيَـةٍ في حسـابي
وصارت تحاسيبي مواعيـد عرقـوب >< ما أنكـدك حظ إمر ٍ تعـدّ الوجـابِ
بجمـاد منيـوبٍ وشـوال مـكلـوب >< وبهـلال عاشـورٍ نبيحي بـدا بـي

الأمير/ ضاري الفهيد العبيد العلي الرشيد.

أبيات للأمير متعب الحمود الرشيدرد على راكان بن حثلين شيخ العجمان

الحرب يا راكان توه جديدي
تركض به القرح و تغدي فلاها

أما مشيت لنا على ما نريدي
تاطاك درجات الرمك في حذاها

وعشيقك اللي مثل عين الفريدي
دوك الدويش مقيل في حشاها


ننتظر المزيد منكم

وشكرا

أخوك / راعي صرخه

 

 

 

 

 

 

 

 

 

 

مشكووووووور أخووووي على هذي المشاركهـ.....

 

 

 

 

 

 

 

 

 

 

أشكرك شكر خاص يا أبو حواس

راعي صرخه

 

 

 

 

 

 

 

 

 

 

الله يعطيك العافيه لاهنت ياغاالي

 

 

 

 

 

 

 

 

 

 

الأخ راعي صرخه

السلام عليكم

احب ان اشكرك جزيل الشكر على ما تضيفه لصفحات الطنايا من مواضيع تاريخيه مفيده

ومهمه ويجب ان يكون عليها اطلاع من كافة ابناء القبيلة .

لقد سلطت الضوء في موضوعك عن الامير متعب الحمود الرشيد في هذه النبذه المختصره

الله يعطيك العافيه على هذا الموضوع الذي اتحفت به منتديات الطنايا

شكرا لك

 

 

 

 

 

 

 

 

 

 

راعي صرخه الله يعطيك العافية

 

 

 

 

 

 

 

 

 

 

اشكركم على مروركم الكريم

راعي صرخه

 

 

 

 

 

 

 

 

 

 

أشكرك يا مشرفنا على مرورك المشرف و الكريم

راعي صرخه

 

 

 

 

 

 

 

 

 

 

الله يرحمه ان شاء الله

وتسلم اخي

راعي صرخه

 

 

 

 

 

 

 

 

 

 

أشكرك على مرورك الكريم يا ابن هذيل

راعي صرخه