الأخ الحيران
أولا لا اعرف كيف اشكرك على ما تقوم به من اضافه مواضيع مفيده ورائعة تعود على القارء بالنفع والفائده في معرفه شيوخ
قبيلة الطنايا واشعارهم كذلك اضافه الحقائق القاطعه .
ثانيا موضوعك عن الأمير حمود العبيد العلي الرشيد فكرت في كتابة ولكن لكثرة اشغالي لم اتمكن منه واشكرك على اضافته
وسأضيف لك جميع قصائد المدونه لدي ولكن بحلقات .
============
في عام 1316هـ هجم الشيخ هزاع بن شعير الدويش من قبيلة مطير ومعه سعود الفغم وصاهود بن لامي والملاعبه وجا بن غنمان على حمود بن سند وغنيم الحربي واخذوا اباعرهم وثور عليهم عبدالعزيز بن متعب سلطان : الدويش فعجز الدويش يدي منهم فغزاهم الأمير عبدالعزيز بن رشيد واخذهم وجت اباعر غنيم وسعود عرائف وذلك في السنه المذكروة فقال في ذلك الامير حمود العبيد الرشيد : -
يا مال هجن ٍ من مناه الغديدي = اقفى بهن هزاع وغنيم وسعود
يفقى ويقبل مثل خيل البريدي = لما غدا المجحود عظمان واجلود
حموله ما يرخصون الزهيدي = ما يرخصون إلا المحاليف واعهود
رجالهم يضرب على ما يريدي = ما سال هزاع عن النقص والزود
وراه عن ذباح نايف يحيدي = وعلى غنيم كنه الحر مجرود
يامن يخبره صار سير ٍ عقيدي = الا علينا هو وجاسر وصاهود
لعل من يقضب حديهم بالايدي = او عاد يقضب هايف الفغم وسعود
ويقفي منه حي عسى ما يفيدي = قل آمين ياللي للمخاليق معبود
والله ماهم كفو حكي او قصيدي = مير (( الطنا )) يصطي على الكبد بحدود
وعرضتهم لمدورين الحميدي = اللي عوايدهم نصف كل مضهود
يوم ً خطو الشيخ مثل المعيدي = أسمه كبير وشوفته مثل فرهود
لولا عياله مرشدين وعبيدي "1" = وحظه وحظ اللي تنصاه منكود
عشرين خيالا ً عيال الحميدي = عجزوا من القشعان يدون مفرود
ياطير ياللي ما تعود تصيدي = متى غزيناهم ونظمن لك الفود
الحق بساقه مذهبين الضديدي = اللي مشاكلهم على كل مردود
الحمى علينا كل عام ٍ جديدي =لا جاء الشتاء ولا على ابراضه العود
نجدع به الغبطان هن والوهيدي = ونكسى روابها عجاج وبارود
عام ٍ خذينا به زبون البليدي = ماتوا بغيظ غبه العود والعود
ومات القصيد اللي بصاع المجيدي = اكتال ركان وليل خذ الزود
ديار ٍ خذيناها بحفر الحديدي = غصب ً على الزعلان والخد ممدود
من فوق شوص ٍ كنهن الفهودي = ملبوسنا من فوقهن صنع داؤود
والا الحداو والمنى ما تفيدي = والحكي ببلاش ً على الرجل منقود
تفرقت شاشات عمر وزيدي = اللي وخذ واللي سلم تقل مالود
خلق فياض العشب هو والزبيدي = ومبايع ً تلقا بها الزود ماجود
يا مفرق الأنساب جعلك سعيدي = ولعل حظك دب الايام بسعود
وبدشوه بالخكر هم والصميدي = وجره على بشر ً سبب كل مقرود
وخليق السفار يمشي قهييدي = لو عدو لهم سمر وبعارينهم سود
الحيران كل الشكر لكـ ...
أخوكـ