يالله ياوالي عليك نتهادى = يامادن رزق الملا طول الازمان
انت الولي المعبود انت المفادى =ومن يزبنك يارب ماهو بندمان
واطلبك يوم الخلايق سهادى= تفرج علينا كربته ياوال الاكوان
اليوم يوم ادبرت بالفسادى =ولعبتبنا الانذال بقلوب خلان
وقامت تشتت جمعنا بالنكادى =وصرنا جموع وجموعً وعربان
اذاشتتوا قلوبنا والارادى =ملعون ابو من طاعهم طاع شيطان
واليوم يومً سمعنا خبرها بوكادى =ماكن شي صايرن بين الاخوان
وشمر ليا صارت عليهم نكادى =تكاتفوا للعز للطيب للشان
وويل ويل اللي عليهم تمادى = مايحسب ان الطنا زاد طنيان
يصبح كما نعل قديمً وبادى =وتدعس شوارب كل غادر وخوان
اطفال شمر جازعه بالمهادى =من سلمى لسنجار لجنوب زوزان
حييت ياصوت تعالى ونادى =نادى الشمال الحر نادى كحيلان
ياخوك لو غنن بنات النجادى =ياخوك ضل يرقص شماله وطربان
حنا كفينا بعرضته عن النجادى =وتعانقوا بعرضته كل الاخوان
وللعز تركنا نجد جينا باتحادى =فارس يقود جموعنا طير حوران
ومن نجد جينا والمصقل سنادى =وطاعت لنا الديره بحضره وشويان
من حايل جينا وجينا عنادى =لاقصى الشمال الحر خذيناه بعنان
وكم مره جينا لنجد اجهادى = ويما امتطوا فوق حلوات الارسان
غزو لاخذ اللحق واخذ المرادى= وبسيوفنا تلقى العز وسيوف تندان
وبالسيف بردنا ديار الحمادى =من الحويقه مشرق غرب لحوران
وكم واحد سقوه سم الزنادى = ويصير من عقبه طعومن لغربان
وياخوك غنوا وغنوا وزيدو امجادى =وهذ الشمال اليوم يضحك وفرحان