اهلاً بالجميع ..
هذه قصيده كتبها شاعر خليجي
بعد قدومه من بلاد المغرب
قال :
ياللي تنشد عن علوم الـذي طـاف=كل البحـور وكـل دولـه وديـره
خذ من علومي علم اوصافه اوصاف=جزل سميـن يشتعـل لـه سعيـره
الزيـن عقـب المغربيـات ينعـاف=غيد لهن بالزيـن ذكـره و سيـره
فيهن حلا طاغي وليـن و تعطـاف=وفيهن حنان يشعـل القلـب غيـره
حلوات وصف وفاهمات بالاعـراف=زيننات منطق صافيـات السريـره
بنات قوم طيبهـم غصـب ينشـاف=أولاد مغـرب بالليالـي العسـيـره
ياللي تنشد عن علومي بالانصـاف=هرجي يكفي صاملـه عـن كثيـره
الزين في لميا وتغريـد و الطـاف=ماهوب في حصه و كشـره منيـره
وأجابه المرحوم الامير / طلال الرشيد .. بهذه الأبيات الجزله :
يابن الحلال ان طعتني خل الاسراف=واترك جمال الغيد لاهـل البصيـره
الزين مو بس في الملامح والاوصاف=الزين روح .. وعفـه.. وطيـب .. سيـره
مانيب من يهـوى سريـا وإنصـاف=انـا هـواي وبـس ( بنـت الجزيـره )
بنت الخليج اللي تمـاري بالاعـراف=وحنـا نمـاري باسمهـا كـل ديـره
مالي غرام بقـول .. وخـا .. وبالـزاف=أذبحتني عنـد الطرحـه المستديـره
أحب قولت ( ياهـلا ) وعـل وماخـلاف=من بنت ثوبي بنت الارض النضيـره
اللي تحلاها الظبي حلـو الاطـراف=جمـال فـي عفـه .. ورقـه .. وغيـره
واللي بها سحر مهو سحـر عـرّاف=ياعـل عيـن ماتـراهـا ضـريـره
عطف وحنان وذوق في لين الاعطاف=وإليا كشفت لثامهـا شفـت أميـره
صعب على اللي بالردي شاف ماعاف=وحلوه على اللـي سنّـة الله ضميـره
شمس إليا من اشرقت والدجا طـاف=غابت نجومك غصب لو هي كثيـره
السيف مايزهى سوى كـف سيـاف=والخيـل دون حصانهـا مستخيـره
بس أنت دورلك على قـدك لحـاف=وان طعتنـي دور بدلنـا عشـيـره
عسى الله يرحمه برحمته الواسعه
.