][ فهرس قصائد الشاعر / منصور بن سعدي الرمالي ][

بسم الله الرحمن الرحيم

والصلاة والسلام على اشرف الانبياء والمرسلين نبينا محمد عليه افضل الصلاة واتم التسليم

اخواني اعضاء الطنايا الكرام

السلام عليكم ورحمه الله وبركاته

في هذه الصفحه التي نفتتحها بفهرس يخص قصائد الشاعر المعروف / منصور بن سعدي الرمالي الذي لم يعد هناك

شخص لم يسمع بهذا الاسم او لم يقرا لهذا الشاعر الذي حروفه اجبرت الناس على متابعتة قصائده والبحث عنها

وأحب من لديه اي قصيده لهذا الشاعر اضافتها هنا كي يكون هذا الموضوع مرجع لعموم قبيلة شمر والباحثين

عن قصائد منصور الرمالي ...

وسوف ابداء بما لدي من قصائد .





امر مرٍ مر

أمر مراً مر :: في دنيتي لي= وأمر مرٍ:: مر لي في حياتي
لاجاني العاني وانا مامعي شي=ودي تجيني 00قبل ياتي وفاتي
ان اعتذرته ضن 00ضن الرداء بي=وانا الرداء ماهو: صفة من صفاتي
أضحك واهليبة وانا منكوي كي =من خوفي التقصير في واجباتي
ومن لا أشتهر بالطيب صيته وهو حي=ماطالع له : صيت عقب المماتي

تصيح من وضعك

وافق معي وارفق بشخصاً لكم طاع= وأللطف بذاتٍ ينتظر لطف ذاتك
الحق غريقاً في بحر حبكم طاع= وانقذ حياة : اللب تعمه حياتك
تصيح من وضعك وانا اعيش بوضاع=اخفهن لو جاك سبب وفاتك
عطني شقى عمرك وهمك والاوجاع= خوذ السعادة واعطني مشكلاتك
واحرق بقلبي واترك القلب يلتاع=لا تترك الهاجوس يحرق شفاتك
الله خلق :: وبك خلق سر الابداع=ملاك ماحد به صفة من صفاتك
يأعز وأغلى خلق ربي على القاع=وشلون انا اسهر منك وانت بمباتك
انا وفي يوم الوفاء يالوفي ضاع=وخلك وفي واعطيك كل امنياتك
اموت منك ولك ترى القلب ماباع=وابعث بعد موتي معي ذكرياتك

أنت القمر

أنت القمر والشمس والارض والكون=وانت السماء وانت النجوم الرفيعة
وانت الذهب والماس غالي ومكنون=يادرةٍخسران منهو يبيعة
وانت الجمال اللي به القلب مفتون=وانت الحلا يانور كل الطبيعة
وانت الامل في كل دنياي يانون=بعدك شقى قلبي وقربك ربيعة
عندي فلا مثلك مع الناس مزيون= ياكوكباً غطى الكواكب لميعة
مانساك لا مانساك وابليس ملعون=ارجع علي فرقاك انا ماستطيعة
ماجفاك لو تجفاء ولو خنت ماخون=وادور وصلك لو تدور القطيعة

وحملو سلمى

يا

هم ياللي في خفاء خافقي طلت=ارحل ترى منصور قرب رحيله
يامهم جاني ماكفاني وحصلت=جسمي قضاء واعضام جسمي نحيلة
ياهم انا اخفيتك بصدري ولا زلت=اخفيك خوف اهل النفوس العليلة
اخاف قول اللي يقولون لو قلت=اللي سوالفهم عراض وطويله
ولوحملو سلمى مثل ماتحملت= صاحت لاجاء من جور حملاً تشيله
ولو ان سنجار الجبل شال ماشلت=مبطي شكاء ضيم الحمول الثقيله
أصبر ولو شفت الزمن مال ماملت=واقول يمكن يعتدل عقب ميلة

حمام ياللي

حمام ياللي بيح السد نوحه=علمتني حسبي عليك الله النوح
انوح من قلب(ن) لحونه جروحه=القلب جرح وجسم راعية مجروح
سهران لين الشمس يكمل وضوحه= وانام ليل ولا اقدر امشي ولا أروح
مجروح روح(ن) والعزاء بان بوحه=وأخاف سدي من العناء يعلن البوح
وكل يموت ليا طلعت منه روحه= بس البلا من مات جسمه وبه روح
يتعب ويشقى ماتحقق طموحه= ولا له بهالدنيا ولو عاش مصلوح

قصتي قصة

قصتي قصى بدايتها العذاب=واخرتها الموت في دنيا عناي
الشقاء لي بيت والحرمان باب=والخيال فراش واحزاني غطاي
اصبح الدخان لي زاد وشراب=والسهربالليل والونه جداي
حاضري لاشي والماضي سراب=وكل من ناديت مايسمع نداي
ذى شبابي من عناي الراس شاب= والله اعلم كيف انا اعيش بصباي

ونحن بأنتظار ما تضيوفنه لنــا

تحياتي لك

 

 

 

 

 

 

 

 

 

 

يانجم

يانجم يااللي غبت من غبت ما بنت =وشحال بين ايام مجدك وبينك
الشمس تطلع وأسأل الصبح وين انت = وتغيب شمسي وأسأل الليل وينك
وين انت انا منهان منهان لاهنت = منهان من شخص عجز لايهينك
ارجع متى ترجع انا انهنت = وسجنت واللي سجني كان قبلي سجينك
ارجع ورجع مجد ماضي كما كنت = ورجع من المديون للناس دينك
ياقاسي في وجه الأضداد مالنت = ومن صاحبك ينعم بعطفك ولينك
حتى على خصمك من احسانك احسنت = وياماعطت من كل غالي يمينك
بالسيف فب شبه الجزيره تسلطنت = اخضعت اهلها وملكنه يديـــنك
مثلك ولد والله فلاجابته بنت= لاشك عين يمهلنك سنيـــــنك
اقولها وين انت وان ادل وين انت = لاشك من زود القهر قلت ويـــنك
ويا قصر ياللي بدلوا طينك اسمنت =احذر تخون وتنكر اصحاب طيـنك
الله يخونك كان لأهل الوفا خنت= واوفيت للي بالخفا خاينــــــينك
ياقصر لاتسكن وان انضمت وسكنت= اخفس قهر واخفس معك ساكنينك
ياقصر مهما زينو فيك مازنت =زينك رحل وان عادلك عاد زيــــنك

 

 

 

 

 

 

 

 

 

 

سـبقني الراسي على ( نجـوميّة ) عبد العزيـز الجنـازه

ولكِني سأنشُر قصيدته بمحبوبته .. نـوف :


( يانوف )

ياللي جرحت القلب بيدك وأنا أشوف=حرام قلبك ليه مابه مرافه
ارحم جريحن طاح وبحالته روف=اللي حياته لجل فرقاك عافه
تركتني في ظلمة الخوف مكسوف=وألبستني ثوب الشقى والكسافه
يابو جديلن فوق الأمتان منسوف=تلحق على رووس الشطايا ضفافه
وعيون سود وخد ونهود وردوف=واذا ابتسم تجذب عيوني رهافه
وجسمن حسين الطول والخصر منحوف=عليه من تفصيخ ثوبه كلافه
أدعج غنج بالملح والزين موصوف=من ينهبه يملك عذرن لختطافه
واوجد حالي وجد من جيب مكتوف=وحطوه في سجنه وشدو كتافه
مطلوب دم وبلحظة الجرم مشيوف=وأخو القتيل اللي له الثار شافه
ومن جيب للتحقيق بادوه بكفوف=وسجل في تقرير السجون اعترافه
عليك ياللي لجلك الدمع مذروف=دمعي على فرقاك زاد انذرافه
يانوف بسمك صرت ألبي وأنا أطوف=وكلن يلبي للولي في طوافه
هم يرتجون الله وأنا أرجيك يانوف=أرجيك أنا رغم ابتعاد المسافه
وان مارجعتي لي فنا أموت يانوف=ولا على دنياي بعدك حسافه

شكـراً أستاذنا { المشـرف العـام } على تثبيت الموضوع ، فمنصور الرمـالي

يستاهل أكثر مِن نشر قصائِده .. لأنه أحد أركان المجـد في شمّر .

 

 

 

 

 

 

 

 

 

 

قبل عده سنوات تدحرجه صخره الألم من سفح الجبل الشامخ . فقد كان ذلك المساء مختلف عن مساءاته الآفلة , مساء قاتماً , حزين الشفق , ساكن النسيم , مطروق الرأس , في محاجره دموع حائرة يحرقها الفراق وتستذرفها الوحدة الصمت ثقيل و الوقت طويل ومرارة الفراق تحليها قناعه الرضا بما حدث . في ذلك المساء رحل الشاعر منصور بن سعدي بن رجاء الرمالي من سنجارة من شمر .

رحل رحيل الشجعان ومغامرة الأبطال بعد أن اقترن اسمه بالشعر اقتران حاتم الكرم بحاتم والإصبع بـ الخاتم .

وهو في منتهى الوفاء من أرض الوفاء وهذا ليسى بمستغرب منه , فـ عبقريته المبدع من عبقرية مكانه في زمن شح فيه المبدعون , ولم يبق منهم إلا القليل , والرمالي من هذا القليل .

رحل ونحن نحيط بسجاياه العطر وداعين له بالرحمة ونحن لا نملك إلا التلويح إيذاناً بفراق ذلك الشاب الذي قدمته حائل للشعر . وسيبقى في أعماق القلوب وأرجاء الذاكرة .

لا أدري بـ ماذا ابداء من شعره فـ الألم العظيم الذي صاحب قصائد منصور صنع إبداعاً خالداً وأخذ بعداً أسطورياً .

وقال في الغزل ولكن بلهجة الغضب

هذه وقفه قصيرة مع شاعر من شعار شمر ... توفي عام 1994م في منطقة الجبيل الصناعية ....

وكان عمره لم يتجاوز الـ 25 صيف ..

رحمه الله وأسكنه فسيح جناته ...

 

 

 

 

 

 

 

 

 

 

الف لكل من شارك في اثراء هذا الموضوع بالنبذه والقصائد لهذا الشاعر المخضرم

واليكم ما لدي :-

لوحملو سلمى

ياهم ياللي في خفاء خافقي طلت=ارحل ترى منصور قرب رحيله
يامهم جاني ماكفاني وحصلت=جسمي قضاء واعضام جسمي نحيلة
ياهم انا اخفيتك بصدري ولا زلت=اخفيك خوف اهل النفوس العليلة
اخاف قول اللي يقولون لو قلت=اللي سوالفهم عراض وطويله
ولوحملو سلمى مثل ماتحملت= صاحت لاجاء من جور حملاً تشيله
ولو ان سنجار الجبل شال ماشلت=مبطي شكاء ضيم الحمول الثقيله
أصبر ولو شفت الزمن مال ماملت=واقول يمكن يعتدل عقب ميلة

بإنتظاركم ...!!

 

 

 

 

 

 

 

 

 

 

( إن ضـحكْـنا يـوم ) :

ياأبو قاسي شفت ماشفته وعفت=عفت من ماشفت أنا حتى النظر
إن ضحَكْـنا يوم عشر أيام زفت=وإن رقدْنا ليل مانمنا شهر
ياأبو قاسي من زمان اليوم خفت=وصرت أخاف من أبتسامات البشَر
لالومن لو عقُب قوة ضعفت=ولاتلوم القلب ماقلبي صخر
ياأبو قاسي وفي بلاد الله طفت=وأغتربْت وشِبْت في سِن الصغر
راس مالي من ورا الغربة عرفت=انني مخلوق لاأجل أشبع قهر

رحِمـَــك الله يا " منصور الرمالي رحمه الله "

 

 

 

 

 

 

 

 

 

 

على فِـراش الموت :

أكتبي ماأبيك بالخط العريض=وأضربي في حبنا حايط جفاك
وأتركي دمعي على خدي يفيض=يمكن أنه لا أنتثر يروي ضماك
في فراش الموت خليني مريض=أنتظر..موتي ولا أعيش برجاك
أشهد إنيّ يوم فارقك..حضيض=لو نهاية رحلتي صارت هلاك

رحِمَــك الله يا منصور الرمالي

 

 

 

 

 

 

 

 

 

 

قصّـتي قِصّـه :

قصتي قصه بدايتها العذاب=وأخرتها الموت في دنيا عناي
الشقاء لي بيتٍ والحرمان باب=والخيال فْراش وأحزاني غطاي
أصبح الدخّان لي زاد وشراب=والسهر بالليل والونّه جداي
حاضري لاشيء والماضي سراب=وكل ماناديت مايَسمع نداي
في شبابي من عناي الراس شاب=والله أعلم كيف أنا عشت بصباي

رحِـم الله منصور الرمالي

 

 

 

 

 

 

 

 

 

 

إكتبيـني :

إكتبيني ضاع في صفحة ضياع=وإعربيني فعل ماضي ياذهب
وإدفنيني واكتبي فوقي وداع=وإشعلي فيما بقى مني لهب
لو بغيت أنساك قلبي ماستطاع=وجَرحي النازف تزاوَد وألتهب
فيك من شمس الضحى نور وشعاع=جل منهو للحلا فيكم وهب
ياذهب ياماس يشرى مايباع=كل من شافك تراعش وارتهب

رحِـم الله منصـور الرمـالي

 

 

 

 

 

 

 

 

 

 

من آخر قصائد بن رمـال رحمه الله

يالله ياللي لك على الخلْق سلطان=ياواحدٍ كل الخلايق تهيبــــه
يا رافعٍ سبع على غير عمدان=ياعالم الدنيا بيانه وغيبـــــه
يابانيِن دينك على خمسة اركان=وأرسل رسوله للبشر تهتديبــه
ويا واحدٍ فوق المخاليق لك شان=يا مْرَجعٍ يوسف عقب طول غيبه
أرجيك حيث اللي ترجاك ربحان=واللي رجا غيرك تردّى نصيــبه
أسألك عفوك وامتانك و الإحسان=وأسألك أنا عَطفٍ ولطفٍ وهَيبه
ربي وأنا عبدك ترجّاك شفقان=أنت الذي من يطلبك تستجيبـــه
يا جاعلٍ للخير والشر ميزان=يا غافر الزلاّت سَـتّار عَيبـه
أدعيك وأنت مصوّر الأنس والجان=والنمل فوق القاع تسمع دبيبه
أسألك في دنياي سترٍ على أيمان=وأسألك أنا التسبيح عند المصيبه
وألوذ بك يارب عن كل شيطان=وأعوذ بك عن الضَّيم هو الغليبه
واليا خذيت الرّوح تاخذ بالإحسان=وتوسن يا صرت تحت النصيب
وأسألك أنا يارب رحمه وغفران=في يوم ما ينفع قريبٍ قريبه
في يوم ما ينفع قرايب ولا إخوان=يومٍ صغير السن يغشاه شيبه
يومٍ عظيم فيه رابح وخسران=أحدٍ سعيد الحظ واحدٍ بخيبـه
الناس حفيانة شبابٍ و شيبان=كلٍ بنفسه ما يهمه صحيبــه
من عظمة الأحداث زاغن الأذهان=كلٍ يشوف بعينه أشياءٍ غريبه
يارب ياللى خالقٍ كل ما كان=تعطي ليا من العرب شح جيبه
أسألك أنا الجنة وطالبك رضوان=وتفكني من نار يشعق لهيبه
وتجعل لنا مع صفوة الخلق مسكان=يا شافيٍ جرحٍ تعذرطبيبه