النصر والهلال

بسم الله الرحمن الرحيم
ابيات تغريده فقط ردن على واحد منفعل مع المبارات
الشاعر\مشعل عسام التريباني الشمري
((النصر والهلال))في17\11\1436هـ

النصـــــر يامــــن طــالع الجـمع للجمع(1)وحمي الوطيس وصار للملح شوبه

وصوت الفشق في مسمعك تسمعه سمع(2)وفازو علـــى العدوان والفود جـوبه

شـــــــــــــــرابة القدمات وقلوبهم صمع(3)ارواحهم دون الوطن ماحســــــبوبه

والاترى الكــــــــوره مـــثل كاذب اللمع(4)ســـــــــحاب صيفن والهبايب تلوبه

جلدن علــــى راس القـــــدم يقمعهة قمع(5)حطّــــــوه لظــــعوف الاوادم لعوبه

هلا الوجيه الشــــــــعث وظفورهم زمع(6)وامـــــن الولطن ماعمرهم ساهموبه

ســـــــــعرالذهب يفرق على قيمة الشمع(7)الفــــــرق واضــــح والاوادم دروبه

 

 

 

 

 

 

 

 

 

 

اليا اختلط عج الملابيس وابليس = المسعد اللي حظ ربعه يقومي

الشيخ تركي بن حميد رحمه الله

يابو عبدالرحمن انت وين والناس وين .

صفقات اللاعبين ورواتبهم خياليه بعشرات الملايين وتدل على ان الدنيا ماشيه بالعكس

صح لسانك وشكراً لك

 

 

 

 

 

 

 

 

 

 

عبدالله المفضلي ابونايف
صح بدنك والله لايهينك نعم كلامك صحيح وهذه الطامة الكبرى اللي يدافع عن الوطن والدين ماله قيمه واللي يلعب يسمى البطل

 

 

 

 

 

 

 

 

 

 

ابو عبدالرحمن تسلم وصح لسانك عطيتهم وصفة طبية ناجعة لو هالحماس على الكوره يصبونه على الأعداء كان مخلوف بس المشكلة على كورة قيمتها في البقالة خمس ريال وضياع وقت وهدر اموال والضعيفين مالقوا من يدفع عنهم ايجارات السكن صح لسانك مرةً اخرى لاهنت /

تحياتي لمقام سموكم الكريم :

 

 

 

 

 

 

 

 

 

 

ابو عبدالرحمن

انت دخلت في مرحلة الخطر بهذا الهجوم على الكوره والرياضه

الاكثر شعبيه في العالم كله . والرياضيين هم ابناء الوطن ورجاله وفيهم

الخير والبركه وفيهم من الوطنيه والحميه ما الله به عليم وكلن على حسب

اختصاصه وعمله ولا نفرق بين ابناء الوطن والنصر نصر بكل شيء

وقبل يقولون الغلب غلب ولو بلعب الكعاب

لاعدمتك

 

 

 

 

 

 

 

 

 

 

هلا باخوي السكبه
شكرالك على المرور والاطرى الله لايهينك والله يابن الحلال زودها حنا في حالت حرب ويجب اننا نتابع اخبارجنودنا وابطالنا في الجبهه ويجيك لك مسكين يقول النصر البطل ويجيك الثاني يقول الهلال البطل وشي بطولته البطل اللي على الحدود يظافع عن دينه ووطنه ومحرماته ومليكه هذا البطل مهو النصر ولا الهلال