بسم الله اللي له يحجون بالبيت=أبدأ بذكر الرب جلٓ جلاله
بأجزل طروق الوزن والقاف غنيت=أشد سرج الشعر وبيدي احباله
دعيت هاجوس القصيد وتحريت=وجتني مثل مزنٍ تصبب هماله
سقيت منه ِعطاش الاذواق و ارويت=ارويت عطشان الشعر بالجزاله
مرحوم ياشيخن تقل حي وهو ميت=يبقى بذكره حي وتبقى أفعاله
محمد الأصفر ليامن تعزويت=عزاوي الامجاد ورثة عياله
لامن دعت حاجه للصفران ناديت=قديمه فزعتهم من اول اجياله
كل الربيعيه زحول ومباخيت=للحرب سيف وللكرامه دلاله
افعالهم بأرض الجزيره مثابيت =ولأمجادهم في نجد تشهد اجباله
مردان هم ملجاك لامن توازيت=العطاوي لأجلك يرخص حلاله
حول بهيج من الجبل لين تكريت=راح يتوجد على وقت مضاله
ابن مويجد اذكره ماتناسيت=له قصتن معروفه و طاب فاله
أبو رجيعه شتت اعداه تشتيت=نذكر ابو فاضل ونذكر خصاله
جدي من الشجعان اعده لعديت=راضي وشيب عيون منهو نواله
الجدي للصفران هم عزوه و بيت=الطيب بالخليبص قديمن مجاله
عفريت كم ورث لكم يالعفاريت=المجيحيم وابن سوقي صمود وصماله
وبير وهباس المبارك لهم صيت=و راع المليحا ندى يذكر لحاله
زقروط لامن حدك الضيم له جيت=المغامس وابن طلاع ومن فك خاله
المحيسن تعزك خوته كان خاويت=الغزيز وشديد وبن شبيك الاصاله
اقولها والمعذره كاني اخطيت=ابطال الربيعية ونعم السلاله
بمدح الربيعية مقصر ولا اوفيت=العز هم شمسه وذراه و ظلاله
لاقلت يالصفران من همك اكفيت=الدم واحد وجدنا حي فاله
يا لابتي شمر بكم كم تهقويت=اهل الكرم والجود وأهل الشكاله
تاريخ شمر به وثايق مثابيت=من عهد نوح وشمر اهل الجماله
ردد معي يا سامعي واحفظ البيت=قل قال ابن بادي ويثبت مقاله
صغيّر الصفران يفكك ليا ابليت=يفعل ولا تِعلم يمينه شماله
وختامها صلو معي يوم صليت=على النبي اللي حكم بالعداله
وسلامتكم
فهد البادي