السلام عليكم ورحمة الله
اخواني واخواتي
جتن رساله تقول
يالنشاما لا وصلتو نور عيني علموه
كيف جرحي في غيابه قام يحداني حدي
علموه اني احبه كثر حب امه وابوه
علموه شلون حبه صار يجري ف جسدي
علموه اني احبه كثر ما عيوني بكوه
كثر نجمات تتلامع وسط ليل سرمدي
علموه اني ذكرته يوم خلق الله نسوه
والخيانه ما اخونه دام لي قلب اجودي
ورديت عليه بهاالابيات ان شاء الله تعجبكم
نور عينك يابعد عيني طروشك يوم جوه
كان جرحه في غيابك توه الجرح النــــدي
في غيــابك عذبنــه كلمتــين اهن ويــوه
كل ما قــرر يــفارق طيــفك اقبل مهتدي
علموها ان المحبه له وفــا لكــن كــلوه
عــلموها ان المحــبه في حبــيبك تقتدي
علمــوها ان الحنايا صاحت ونادت ياهوه
علموها ان الصدى جاوب حناياي اهجدي
علموها ان الوفي في هالزمن هذا نفوه
علمــوها ان الخيانه ما اتــعامل به يــدي
خبروها ان كل تركي في هيامك كفنووه
علموها انه دفين الحب وديــن امــحمدي
علموها اني اعاني علمــوها انــي اتووه
علموها ضعت انا يا عزوتــي يا مسندي
شاعر معاند زمانه عــاقل وهــم جننوه
شاعر يسطر حكايا عشق يا بنت اركدي
اذكر الي يذكرن حتى يــلو اهلــه نسوه
يقهرن فلس الزمان الي حكم وقتن ردي
حاجة الرجال كشرا يا هل الخير انصروه
رممو صف العرب ضد الحقــير المعــتدي
نور عينك رحب وهلا بطروشك يوم جوه
حب خشم اللي يبي يبري به الجرح الندي
اخوكم \ تركي الزوبعي
قصيده ~ ورد ~ عليها
العرض الشجري
