وازيدكم من الشعر بيت ان الايام دول
الناس الله يهديهم تبيه جيزة نصارى
مايصح الا الصحيح
كلنا اخوان ومكملين لبعض
اقول من عرض قصيده :
امجـادهـم فيـهـا تـواريـخ وصـكــوك=وبـهـم عـلــى كـــل القـبـايـل مـزايــا
يالذيب من غير السناعيـس عشـوك=خـلـوك تـفـرس بالشـحـم والـشـوايـا
وقل للخوي وان كان الانـذال خلـوك=جابـوك مـن فــوق المـتـون وحفـايـا
ويالجار وان جار الزمن فيك واذوك=تـلـقـى بـشـمـر حشـمـتـك والتـحـايـا
وعبدالكريـم وحاتـم الـجـود يكـفـوك=يفـرح بهـم ضيـف ضلـوعـه طـوايـا
وكون الشريف اللي به الدم مسفوك=عيـنـت بـيـص الـلـي خـذتـه المنـايـا
وعبدالعزيـز وبـاقـي العـلـم مـتـروك=وكم راح من خطلان الأيدي ضحايـا
مثل الذهب ياجـاك صافـي ومسبـوك=اهـــل كـــرم لـــو المـخـابـي خـوايــا
ماجمـعـوا حـمــر الدنـانـيـر بـبـنـوك=الــعــود الأزرق يـذهـبــه والـعـنـايـا
فازوا بها يوم اغلب النـاس مملـوك=والـيــوم كـلــن مـالــك بـــه رعــايــا