مبتدا ما اقول بي ذكر آالآله = جل رفاع السما باسط وطاه
قال دندل الفهيم أبيات جيل = الغرايب ماكل من داره لكاه
هاض قيلي مثل هيضات الجراد = والجراد ليا رتحل يتلى ارحاه
ذا ما خصيت من عدل الجواب = الغرا يب والردىممن بغاه
ثم ذا وخلاف ذا ياعارفين = ان قلبي جل والممشى هواه
هيه يلي ضاربن درب الرشاد =فوق كور عثافرن حلون سراه
عيرتن مامونتن عوصى هميم = ماحلى مشيه ليا دانة اخطاه
ليا مشت تشبه لزفزاف الظليم = شايفن زولن من المفلى عداه
ريعه ياراكبه لكيت خير = كان حطيت الرديف في كراه
لين تبغى نيتك درب الرشاد =طابلك زين الوفوك من الآ له
ان ركبته من قفار لا تنيخ = لين تلفي العيط تر هو منتداه
يم اخو جوزه زكم زكم الحريب = يانديبي ياعلا منهو نصاه
ثم اصيح بمعتلى صوتي واقول =يبن مانع يافوز منهو نصاه
ياقديم اضعوننا مروي السيوف = ياعموده ياسراجه ياضياه
ياعريب الجد ياوافي الذمام = يافتى حاش المراجل وانتضاه
يانقي العرض عن درب الدنوس =يلذي عرضه نجين عن رداه
ياعزيز النفس عن شي يعيب = معطي النوق السلاطن ماحلاه
ياخراب الزاد ياريف الضعوف = يوم ولد النذل مايدرك عشاه
يلذي يدنى سراجه باالطراد = من سلايل نجد بأمواله شراه
شاريه بعشرةوسته وناكتين = والعبيه مهفيه واللي تلاه
ساكهن بشمرتن كبى كحوم = مثل حيد الزمل مزبورن قفاه
كطمرت بلبس ولجمت العنان = ثم اخو جوزه تحيزم واعتلاه
يوم زلزالن على المقفي شديد =مثل يوم الحشر شيب اللي قفاه
كن ضرب السيف في روس العباد =ضرب بيطارن يخلص من وراه
والجنايز باالوطى صرعن كتال = والصبايا دلهن ذهلن اخطاه
ينخن الشيخ باالصوت الرفيع = ياحمى تالي ضعنا ياذراه
يوم صاحن كلهن لمن جميع = وين ستر ضعوننا واللي حماه
جاك اخو جوزه مثل فهد الزراج = دارعن بالصيد غرن من وراه
عاش من تفرس بساكته السباع = والذيابه مع نسوره مع حداه
عاش من لخيل ضده كلحراد = لازم تجفل ليا سمعت وحاه
ما حلى الشقرى تحت ذيب العيال = يفرح المقفي لياشافه وراه
كني اسمع يااسلام الله واشوف = جلد خيل الضد يوم العيط جاه
احسبه رعدن وهو سميط خيل = والعجاج العذبري ربرب وراه
صار مثل الليل يضرب بالسياط = وارتكب مثل الهضاب وهل ماه
هل وبله من كطي الخيل دم = من يمين العيط لاشلت يداه
هو عذاب الخيل لاجاها وصاح = والسيافا مردفين من وراه
حاضبيننبه كما فروخ الحرار = لازمن يرمون للعرجا عشاه
باالمعاره عقبهم لازم تشوف =به نسورن كلبهوم الراتعاه
منورى تيما ليا حد القصيم = كلها بالسيف اخو جوزه حماه
باالوازم مثل هداج يزود = كل ما كثرت وروده زاد ماه
هو حماها من العظيم للعليم = لين سلمى والجبل واللي وراه
والسيافا لابتن يتلون شيخ = برد الدير ه لهم وارغم عداه
انتشلفحن السنين فهو يصير =مشرعن للضيف والعاني تلاه
كن بيته لياضمحلن السنين = والكرى ماعاد يلكى مشتراه
مثل ورد البدو ليا طلعت سهيل = وان تعاطوا منهل حلون جباه
ستر للمظيوم نعم المحترين = قبل يسترحل اخذ خيل وعطاه
ذا كلامي والملا لي يشهدون = كل انا ماقلت في حقه علاه
ذا وصلى الله على سيد قريش = معتلى الكمري في عالي سماه