يقول رسول الله صلى الله عليه وسلم : ( من دعا إلى هدى ؛ كان له من الأجر مثل أجور من تبعه ؛ لا ينقص ذلك من أجورهم شيئا ، ومن دعا إلى ضلالة ؛ كان عليه من الإثم مثل آثام من تبعه ؛ لا ينقص ذلك من آثامهم شيئا ). ويقول عليه أفضل الصلاة وأتم التسليم : ( الدال على الخير كفاعله ).


العودة   ][ موقع قبيلة شمر الرسمي ][WwW.aLlShMr.CoM > ۩ ◊ الملتقى الخاص بقبيلة شمّر ◊ ۩ > ۞ ديوان لقصائد أمراء قبيلة شمّر والقصائد النادره ۞
 

إضافة رد
 
أدوات الموضوع انواع عرض الموضوع
قديم 2018-06-12, 01:35 AM   رقم المشاركة : 1

 

 

Almeer (15) قصيدتي (عندي عزيمة نفس عن الف رجال) ومجاراة الشعراء لهاا


‏عندي عزيمة نفس عن الف رجال
‏وجروح تنزف والمحاجر بخيلة
‏؛
‏البس وسام العز من الفخر سلسال
‏وبي شيمة/ن مثل المهار الأصيلة
‏؛
‏حنا بنات العز نخوات الأبطال
‏تموت هيبه ولايدنس شليلة
‏؛
‏اطباعنا مانتركة مد الأجيال
‏وسلومنا لبس العباة الطويلة
‏بقلم:
‏#الشمريه_المجهوله

كفو كفو يابنت ذربين الافعال
‏ياللي على النوماس كفك جزيله
‏انا اشهدنك وافيه كلك اخصال
‏بين العذارىٰ مفخره للقبيله
‏يالشمريه وسام عزك زهىٰ الحال
‏مايلحقك شكٍ ولافيك ميله
‏#مخلف
الرد :

كفوووك الطيب طيب العم والخال
‏من فعلكم الضد تسبده عليله
‏؛
‏اجواد/ن لكم بين الكريمين منزال
‏وقت الوغا صولات ربعك نفيله
‏؛
‏ابوك ليث/ن وانت من ندالاشبال
‏شاعر محنك والقوافي جزيـله
‏؛
‏بقلم :
‏#الشمريه_المجهوله


هاض الغرام وعبر الصدر بمثال
‏قام يتنقى المفردات الجزيله
‏"
‏نبي انجاري بنت ماضين الأفعال
‏وساع الطعون فوق المهار الأصيله
‏"
‏قالوا هبيله قلت مضرب للأمثال
‏أهبالها يلعب بقلوبٍ(ن)هبيله
‏"
‏بنت الطنايامرويت حدب الأسلال
‏في ساعةٍ(ن) ابليس يرفع شليله
‏"
‏الأديب خوي الذيب
الرد :

مشكور ياقرم/ن مدحني بمرسال
‏فداك ابن اللاش ومن ينتخي له
‏؛
‏ماهمني هرج الردى من الانـــذال
‏واللي يقف في درب جاهي ياويله
‏؛
‏شوفاتنا دايم على روس الاجبال
‏ماني من اللي في حياته ذليله
‏؛
‏عبرت عن خافي ضميري بالامثال
‏والـغـايــه تدرك مبتغاه الوسيله
‏بقلم :
‏#الشمريه_المجهوله


مانتي بمجهوله على قول من قال
‏بل اليمامه لولشت في هديله
‏عطرك نفل من ضلع سلمى اذا سال
‏وشررواك لبسه بالفخر والفضيله
‏مجناك شمر في صفا العم والخال
‏على النقا ياطيبها من قبيله
‏كم جندلو بالحرب من روس الابطال
‏وكم رملو بسيوفهم من حليله
‏والجود من حاتم لهم عبر الاجيال
‏كلا يقدم ماوجد من حصيله
#عايد رغيان الورده

الرد :

جتني قوافيك كما وقع زلزال
‏مره اهوجن به ومره اشيلـه
‏؛
‏من شاعر يعسف قوافيه بأمثال
‏وفيه الحميا والمكارم خصيله
‏؛
‏تبعت درب الطيب ماهمني القال
‏ حقوق الكرامه بالنفوس الفضيله
‏؛
‏كن الزمن حزن/ن وانا فيه مــــوال
‏وظفرت من جور الليالي جديله
‏؛
‏بقلم :
‏#الشمريه_المجهوله

 

 

 

 

 

 

 

 

 

 


التوقيع

انتي شريفة بنت مطنوخ وحصان = وفعلك يشادي فعلة العرفجيه (1)
وانتي علومك دائمأ ترفع الشان = واسلوبكم راقي ولــه منهجيه
وكلامكم موزون في وسط ميزان = من راس بنت ٍ بالمعاني ذكيه
حنا سناعيسٍ في الحرب بركــان = وليا تفجــر هــد قــمة طــميه
لكن بنفس الوقت بدون طغيان = نعــط الحقـــوق ولانقر الخطيه
شمر مع المقدرة فيهم احسان = وسلومهم به ميزة ٍ جـــوهريه
شمر كما مزنن على كل الاركان = سيله يفيض بكل واد وشغيه
الشاعر المؤرخ

نهار هيشان الوبير ( الصريح )
ــــــــــــــــــــــــــــــــــــــــــــــــــ ــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــ

عندي عزيمة نفس عن الف رجال = وجروحي تنزف والمحاجر بخيله
البس وسام العز من الفخر سلسال=وبي شيمتـ(ن)مثل المهار الأصيله
ماهمني هرج الردى من الانذال=واللي يقف في جاه عزي ياويله
شوفاتنا دايم على روس الأجبال=ماني من اللي في حياته ذليله
حنا بنات العز نخوات الابطال = تموت هيبه ولايدنس شليله
اطباعنا مانتركه مد الاجيال = وسلومنا لبس العباة الطويله
الشمريه المجهوله

 

   

رد مع اقتباس
قديم 2018-06-13, 03:15 AM   رقم المشاركة : 2
معلومات العضو
][ عـضـو ][
 
الصورة الرمزية لعيون الطنايا
 

 

إحصائية الترشيح

عدد النقاط : 10
لعيون الطنايا is on a distinguished road

 

 

افتراضي رد: قصيدتي (عندي عزيمة نفس عن الف رجال) ومجاراة الشعراء لهاا


صوت وصدى يشدا الرواسي الشامخه

دمتي ودام ابداعك وابداااع الشعراء

 

 

 

 

 

 

 

 

 

 


   

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.6
Copyright ©2000 - 2018, Jelsoft Enterprises Ltd allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0509909099 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع