يقول رسول الله صلى الله عليه وسلم : ( من دعا إلى هدى ؛ كان له من الأجر مثل أجور من تبعه ؛ لا ينقص ذلك من أجورهم شيئا ، ومن دعا إلى ضلالة ؛ كان عليه من الإثم مثل آثام من تبعه ؛ لا ينقص ذلك من آثامهم شيئا ). ويقول عليه أفضل الصلاة وأتم التسليم : ( الدال على الخير كفاعله ).


العودة   ][ موقع قبيلة شمر الرسمي ][WwW.aLlShMr.CoM > ۩ ◊ الملتقى الخاص بقبيلة شمّر ◊ ۩ > ۞ ديوان لقصائد أمراء قبيلة شمّر والقصائد النادره ۞
 

إضافة رد
 
أدوات الموضوع انواع عرض الموضوع
قديم 2005-02-03, 11:29 PM   رقم المشاركة : 1
معلومات العضو
 
الصورة الرمزية علي الوهبي
 

 

إحصائية الترشيح

عدد النقاط : 10
علي الوهبي is on a distinguished road

 

 

افتراضي ديوان الامير والفارس والشاعر /عبيد العلي الرشيد


السلام عليكم ورحمة الله وبركاته

أخواني النشاما

حنا بهالمنتدى هذا نحاول نجمع تاريخنا من الضياع ،، وأن نحفظه للأجيال القادمه ،، فأحببت أن نجمع ديوان الشاعر والامير عبيد العلي الرشيد ،، وحتى نسهل على المتصفح البحث ،، بدلاً أن يبحث في أكثر من صفحه ومواضيع مخلتفه ،، بل نجمع له هذه القصائد في موضوع واحد ،، باسم ديوان الامير عبيد الرشيد ،،


واسمحولي بالبدايه

القلب من كثر الهواجيس قزان = مايستريح من الدهر ربع ساعه
ياغافر الزلات ياوالي الأحسان = تجعل من التقوى لنفسي بضاعه
أنا على لانٍ وربعي على لان = متخالف(ن) رايي وراي الجماعه
أنا ولد علي سلايل كحيلان = الله خلقني للسبايا وداعه
ماني هتيمين يربت على الضان = ويعطي لطلاب الجنايا رتاعه
أضرب على الكايد الا صرت بلشان = عند الولي وصل الرشا لانقطاعه
الناس ماترويك لا صرت عطشان = لاصار مافعل الفتى في ذراعه
عيب(ن) على اللي ينثني عقب مابان = ويرضى بطمان النفس عقب أرتفاعه
أما نجيب عقود حصنن ومرجان = والا فهي لبليس طار بشعاعه
وا طربة الدنيا مع الفجر دخان = واكرارة(ن) بطراف خطو الصعاعه


وتقبلوا كل التحيه ،، مع أنتظار مشاركاتكم معي حتى نكمل هذا الشموخ

 

 

 

 

 

 

 

 

 

 


التوقيع

حنـــــــــــا جســــــدنـــــا واحــــــــــدٍ مـــــــــاقســـــمناه = والــــــــراس لازم يــــــــرفعــــــــنه كتــــــــــــوفــــه

 

   

رد مع اقتباس
قديم 2005-02-04, 12:40 AM   رقم المشاركة : 2

 

 

افتراضي


أهلا بالأخ العزيز / العاصف
شكرا لأهتمامك لآحد رموز قبيلتنا الأمير عبيد الرشيد ( الجنازة )
وسوف انشاء الله نختار أحد قصائدة لنشرها ضمن هذا الديوان

أخوك أبو طالب

 

 

 

 

 

 

 

 

 

 


آخر تعديل حمود الجنفاوي يوم 2005-02-04 في 12:48 AM.

   

رد مع اقتباس
قديم 2005-02-04, 01:50 AM   رقم المشاركة : 3

 

 


مشكور اخوي العاصف وانا نيتي انزل قصايده قصيدة قصيدة
وجزاك الله خير انك سبقتني

واخوي ابو طالب احب اصحح معلومتك ان الجنازة هو الامير عبدالعزيز بن متعب بن عبدالله الرشيد وليس كما تفضلت

للعلم فقط

واعذرني

وانا اهني ابي اقول قصيدة لعبيد وابي اذكر سالفتها بعد :

يقال ان رجلا من وجهاء بريدة يدعى عبدالمحسن ال سيف كان يتردد على مجلس ال رشيد وفي احد الايام سأله امير حائل طلال بن عبدالله الرشيد عن عيوبه وعيوب عمه فجاوب بعد اخذ الامان : انت يا طلال عيبك الوحيد عدم تقديرك للاجاويد وخيار الناس عندما يتعريك الغضب واما عبيد ففيه جميع الخصال الحسنه وسيئته الوحيدة هو عظم تقديره للصلبي ساهي اذا دخل في المجلس اقربه حوله وادناه بجانبه .
فقال عبيد : نعم يا عبدالمحسن فهذا رجل طيب وفيه شجاعه وهمة عاليه ونفس ابيه عن الادناس وانشد هذه القصيدة :


طلبت ربي عالم السر والغيب = يقبل صلاتي وله يقبل صيامي
ويجعل لنا عرض نزيه عن العيب = ويفكنا من شر سو الاثامي
ابن ادم ملفي الخطا والعذاريب = لو ما فعل رميت عليه التهامي
جليت عن نفسي شبا الشك والريب = ولا حسب يلقون العرب بي كلامي
وربعي لقوا بي عقب ما شبت انا عيب = بتسطير كتب مفسرين الاحلامي
قلت : اخبروني ويش مغضى هكا العيب = قالوا : على ساقة رفيقك تحامي
قلت : ان هذا من قديم لنا عيب = مستارثينه من خوال وعمامي
العيب ترك المعرضة بالمواجيب = والا الرفيق بفزعته ما نلامي
رفيقنا كنه بروس الشخانيب = في راس حيد نايف ما يظامي
رفيقنا ما نجدعه للقصاصيب = يجبر بنا لو مكسره بالعظامي
ورفيقنا لو هو من الجد بصليب = متجود منا براس السنامي
والشر ما نسعى لجره بتقريب = ونذرا الى هبت لنا بالولامي
هذي قدايمنا الا عدوا الطيب = وكل يريع لفعل اهله القدامي
ويوم الوغى ما نستشير الزواريب = لاا طار عن سود العيون اللثامى
مرطاضنا يشبع به النسر والذيب = ونروي معاطيش السيوف الظوامي
نلحق على سرد يجنك جناديب = بمطارق مع مثل صف النظامي
يتلون ابو بندر ربيع السعابيب = اللي على ميره تعيش اليتامي
فان سلم راس مبيد الكنس النيب = حريبنا ما يهتني بالمنامي
عنوا بها ركاب عوج المصاليب = من مصر الغربي الى دار يامي
شارخ اخذنا به زيون المهاليب = وش جاب سطوة مطلب وابن سامي

وسلامتكم

وانشالله القصايد جايه اكثر

اخوكم / سعود الجعفري

 

 

 

 

 

 

 

 

 

 


آخر تعديل سعود الخليل يوم 2005-02-04 في 01:55 AM.

   

رد مع اقتباس
قديم 2005-02-04, 02:01 AM   رقم المشاركة : 4
معلومات العضو
 
الصورة الرمزية علي الوهبي
 

 

إحصائية الترشيح

عدد النقاط : 10
علي الوهبي is on a distinguished road

 

 

افتراضي


هلا والله ببو طالب ،، حياك الله

وفعلا كلام أخوي سعود بمحله أن الجنازه لقب للأمير عبدالعزيز المتعب الرشيد ،، والظاهر انه خطأ مطبعي لاننا عارفين معرفتك بالتاريخ يبو طالب فأنت البحر ،،

عموما حنا بنتظار مشاركاتك الطيبه

والف هلا بك

 

 

 

 

 

 

 

 

 

 


التوقيع

حنـــــــــــا جســــــدنـــــا واحــــــــــدٍ مـــــــــاقســـــمناه = والــــــــراس لازم يــــــــرفعــــــــنه كتــــــــــــوفــــه

 

   

رد مع اقتباس
قديم 2005-02-04, 02:03 AM   رقم المشاركة : 5
معلومات العضو
 
الصورة الرمزية علي الوهبي
 

 

إحصائية الترشيح

عدد النقاط : 10
علي الوهبي is on a distinguished road

 

 

افتراضي


مليون هلا بخوي سعود

هذا والله مما يزيدنا شرف ان مثلك وشرواك يشرفنا بهالصفحه

الف شكر لك على هالقصيده وبنتظار جديدك

لك التحيه

 

 

 

 

 

 

 

 

 

 


التوقيع

حنـــــــــــا جســــــدنـــــا واحــــــــــدٍ مـــــــــاقســـــمناه = والــــــــراس لازم يــــــــرفعــــــــنه كتــــــــــــوفــــه

 

   

رد مع اقتباس
قديم 2005-02-05, 12:49 AM   رقم المشاركة : 6
معلومات العضو
 
الصورة الرمزية فيصل بن نجيفان
 

 

إحصائية الترشيح

عدد النقاط : 350
فيصل بن نجيفان is just really niceفيصل بن نجيفان is just really niceفيصل بن نجيفان is just really niceفيصل بن نجيفان is just really nice

 

 

افتراضي


الأخ العاصف

السلام عليكم

يعطيك العافيه على اضافة هذا الموضوع الذي يتضمن ديوان قصائد الفارس الأمير عبيد بن علي الرشيد

واحب اضافة هذه القصيده التي قالها في معركة بقعاء سنه 1257 هـ :-

يا مل قلبٍ فيه تسعة وتسعين =هجسٍ وهاجـوسٍ وعـدلٍ ومايـل
يديرهـن دولاب الافكـار تسعيـن=بالصدر ينشـر دقهـن والجلايـل
واصبحت منهن خاليٍ كـود ثنتيـن=سعدى ومصقولٍ ( 1 ) يـداوي العلايـل
وخماسيٍن( 2 ) غمقٍ صوابـه وجوزيـن=إلى جذبوا شروا بروق المخايل
يا دارنا من جـاك جينـاه عجليـن=بالليل نسـري والصفـر والقوايـل
فإن كانهم عنـا بالانشـاد محفيـن=من الراس ما يحتاج رد الرسايـل
حضر الجبل والبدو ناسٍ صليبيـن=يتلننا حمـلات سود الجدايـل
جينا صبـاح وهـم لنـا مستكنيـن=وثار الدخن من حر صلـو الفتايـل
وحصل لنا عقب المواصل وفا الدين=وراعي السف رده عليه الجمايـل
ومن فضل رب العرش عدل الميوازيـن=صارت على القصمان وأولاد وايل
عجاجة ٍ تجلى صدى القلب يا حسين=دبيلـة ٍ مــا مثلـهـا بالدبـايـل
كم خير ٍ داجـه عليـه الغلاميـن=خلوا دماغه عـن علابيـه مايـل
ربعي مرويـة السيـوف المسانيـن=خلو صفا بقعـا مـن الـدم سايـل
واللي ذبحت بشذرة السيف تسعيـن=ايضا ولاني عـن طردهـم بسايـل
ذبحت أبو صالح صعوط المجانيـن=واودعت دم الشيـخ بالقـاع سايـل
واللي وطينا مـا تشـوفه محبيـن=والكـذب تنفـاه العلـوم الصمايـل
جيته بمقدم سربة وقم الالفين( 3 ) =كن الشهر به ديدحان الماسيل
جونـا يبـون ديارنـا والبساتيـن=يبغـون منزلنـا قفـارٍ وحـايـل
يقولون جده يوم صولة هـل الديـن=قـادو عليـهم ذاهبيـن الحمـايـل
ودلا على ربعه يسوق الفراميـن(4)=فيـد عماهـم تايهيـن الـدلايـل
ويصيح مثل البارحه ما هنـا شيـن=ولا حصل يا كود قطع الوصايـل
واليـوم يبغونـا وحنـا معيـيـن=نسند بحد السيف من جـاه عايـل
ويلا عطوا حق الديار الهزازين = فحنا الى عدت رجال الحمايل
ربعي على حرب المعادي ضريرين = هم من قديم كاسبين النفايل
أغراه بالمكحـول خـرط الفراقيـن=وعرضاتهم بمشرفـات النثايـل
أطاع حكـي الذايـدي والسلاطيـن=كم واحـدٍ قبلـه رمـي بالحبايـل
ناسٍ يبـون العـز منهـم ذليليـن=وش قال مشعـانٍ( 5 ) بهـم بالاوايـل
عند اهله اللـي يلبسـون التواميـن(6)=إلى اجذبوا شروى بروق المخايـل
يتلون عيد الضيف ريف المساكيـن=الشيخ أبو متعـب(7) عزيـز النزايـل
الى سلم راس الشيخ حنا عزيزيـن=نرجيه من معطي العطايا الجزايـل
إلى بغا أمرٍ مـا يطيـع المشيريـن=الحيـد شيـال الحمـول الثقـايـل
وصلوا على قنديل سكن الحجازيـن=راعي المقـام المعتلـى والرسايـل
ومني عدد ما شمّع اللبـن بالطيـن=او مـا لبيـت الله تشـد الرحـايل

1/سعدى ومصقول : سعدى فرس عبيد بن رشيد .. ومصقول سيفه
2/ خماسي ٍ : يقصد البواريد.
3/وقم الالفين : حول الالفين
4/الفرامين : الأوامر السلطانية .
5/ مشعان : هو مشعان بن هذال .
6/ التوامين : السراويل .
7/ ابو متعب : هو الأمير عبداللي العلي الرشيد اخو عبيد .

 

 

 

 

 

 

 

 

 

 


التوقيع

 

آخر تعديل فيصل بن نجيفان يوم 2005-02-05 في 01:10 AM.

   

رد مع اقتباس
قديم 2005-02-05, 12:53 AM   رقم المشاركة : 7
معلومات العضو
][ عـضـو متميز ][
 
الصورة الرمزية حمود الجنفاوي
 

 

إحصائية الترشيح

عدد النقاط : 10
حمود الجنفاوي is on a distinguished road

 

 

افتراضي


شكرا لك أخي سعود الخليل على التصحيح وكذلك أخي العاصف - فاذا قيل الجنازة فأول شيء يبدر للذهن عبدالعزيز المتعب 0 مرة أخرى أشكركم وأرجو المعذرة 0

اليكم أحد قصائد الأمير عبيد العلي الرشيد بعنوان ( ضياغم ترخص حلاله والأرقاب ×× ودون الرفيق ابمالهم مايدارون )


يالله ياللي للجزيلات وهاب=تعطي ولاجزل العطا منك ممنون
ياغافر الزلات يارب الأرباب=ياناصر موسى على قوم فرعون
تفتح لنا من باب نصرلنا باب=واصحاب بدر وأن فتحته يحضرون
آمين ياقاض الحوايج والأنواب=ياوامر وامرك على الكاف والنون
ياراكب اللي لامشى يوثب أوثاب=لاشفتزوله يختفق تقل مجنون
عقب أربع يلفي عزيزين الأقراب=اللي على الديره قديم يحامون
قل بدال ماكزيت خط ونجاب=لابد مانمسي وناصل على الهون
ان كان تشكي لي خليف وحطاب=فالله خبر بعهود اللي يبوقون
وان كان تنخاني فانا عوج الأطناب=ولا وسيفي لك على الضد مسنون
حنا هذولا مجهدين بالأطلاب=نتنا مراسيل من الهند يلفون
ان سهل الباري وجينا بالآطواب=السعر ماينقص عن اللي تعرفون
آتيك بجموع يعيون الآداب=واويل من باشناف نزله يحلون
ضياغم ترخص حلاله والأرقاب=ودون الرفيق بمالهم مايدارون

 

 

 

 

 

 

 

 

 

 


   

رد مع اقتباس
قديم 2005-02-05, 06:31 AM   رقم المشاركة : 8
معلومات العضو
 
الصورة الرمزية القاصف
 

 

إحصائية الترشيح

عدد النقاط : 284
القاصف is a jewel in the roughالقاصف is a jewel in the roughالقاصف is a jewel in the rough

 

 

افتراضي


سـلّمك الله يا [ العـاصــف ]

لاشك بأن شُهرة قصائِد الأمير ( عبيـد الرشـيد ) لاتقِل شُهـرةً عَن أفعال هذا الأمير الشهم

الذي نقشَ التاريخ إسمه مِن ماء الذهَب .. كما أرجو مِن السـيِّد { المشـرف العـام } :

1) تقديم نبذه تاريخيّه عَن سيرة هذا العلَم البطَل في مُقدِّمة الموضوع .

( طبعاً بعد الإحترام والتقدير للأخ
[العـاصــف ]
الغالي والعزيز علينا )

2) تثبيت الموضوع نظراً لأهميّته .

3) شحذ الهِمَم لمَن يحضُره أي قصيده للأمير ، والإنتباه بعدم التِكرار أو التقصير .



ولايسعنا إلاّ أن نشكُـر اخـونا العاصف لتفضُّله بالإقتراح المُهِم بِنشْر :

(ديوان الأمير عبيد العلي الرشـيد)


* * *

 

 

 

 

 

 

 

 

 

 


التوقيع


هذي الزعامه لايقة لك ياملك
ماغرك الملك العظيم او غيرك
كيف مانفخر وتتعب راحتك
عيون شعبك والعداله ميزتك
عبدالله يا بــــاني وطن وانسان
حامي الحما بالسنه والقران
هذا ملكنا من يباهينا بملك
يابو متعب ياكثر مدة ايدينك
مادرت عنها يسارك من يمينك
حزم وعزم وفيك عفو ومقدره
كيف مانفخر وانت رمز المفخره


 

   

رد مع اقتباس
قديم 2005-02-05, 12:03 PM   رقم المشاركة : 9
معلومات العضو
][ المشرف العام لمنتديات بابل ][
 
الصورة الرمزية عبدالله الصاهود
 

 

إحصائية الترشيح

عدد النقاط : 10
عبدالله الصاهود is on a distinguished road

 

 

افتراضي


الغالي العاصف

فكرة أكثر من رائعة وجهود طيب

حضرت لأشكرك وسنضع ما نستطيع عليه

دمت بخير

 

 

 

 

 

 

 

 

 

 


   

رد مع اقتباس
قديم 2005-02-05, 02:22 PM   رقم المشاركة : 10
معلومات العضو
][ عضو موقوف ][
 
الصورة الرمزية سعود الخليل
 

 

إحصائية الترشيح

عدد النقاط : 11
سعود الخليل is on a distinguished road

 

 


صح بدنك اخوي

والله لا يهينك

وانا كاتب موضوع وسيرة عن عبيد الرشيد اتمنى من الاخ المشرف العام / فيصل بن نجيفان اضافته لموضوعك

واتمنى اعلامه بهالشي وانا منزل الموضوع بالقسم هذا

اتمنى ان الاخ فيصل يراجعه ويضيفه لموضوعك اخوي العاصف

والسموحه

اخوكم / سعود بن عبدالعزيز الجعفري

 

 

 

 

 

 

 

 

 

 


   

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الملقب بالجنازة الامير عبدالعزيز بن متعب الرشيد الشمري [ يوجد صور ] المرزقاني ۞ مـنـتـدى الـصـنـاديـد ۞ 30 2008-07-13 09:27 PM
شجرة ونسب قبيلة بني خالد ( وبيت الامارة ) في العراق معد الامير طلال الخالدي ۞ قسم الموروث الشعبي وأنساب القبائل العربية ۞ 10 2008-03-31 06:18 AM


Powered by vBulletin® Version 3.8.6
Copyright ©2000 - 2019, Jelsoft Enterprises Ltd allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0509909099 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع