إخواني رواد هذا الصرح الشامخ
الكثير منا سمع من عدة شعراء خاصة قبل عقدين او اكثر من الزمن مايسمى باالألفية وهي ان ينظم الشاعر قصيدة ويبدأ بكل حرف من حروف الهجاء بيت جديد وتكون الثلاث شطرات الأولى لكل حرف على وزن وقافيه واحدة والشطرة الأخيرة من كل الحروف بنفس الوزن والقافية
واستأذنكم بطرح الألفية التي كتبتها وهي بعيدا عن المتعارف عليه في شعر الألفية حيث جرت العادة ان تكون غزلية وقد حاولت ان اغير النمط المعروف وجعلتها في النصح وغيره عسى ان تكون تجربة موفقة وتنال إستحسانكم
واتقبل النقد بصدر رحب
الف / اباقول للصاحب قصيدة = وابهديها له جعل حالة سعيده
نظمتها بطروق شعرن جديدة = واهديتها للي لثمنها يعرفون
والباء/ بدا ذا الوقت يقسى شوية = من شافني يقول حالك شقيه
يسالني نفسك ليش ماهي سوية = افكرْ إذا بالقبر امسيت مدفون
والتاء/ ترى اللي دايم يطيع ربه = مخافته دايم بقلبه ولبه
للخير يفعل مايبي اي سبه = لله عمره جاعله دوم مرهون
والثاء/ ثمان شهور من صد عني = ماني سعيد بغيبته ومتهني
صديق عمر اروح له ومتعني = وإن صد كني داخل البيت مسجون
والجيم / جال القلم في وسط الاوراق = يكتب بديعات المعاني والاذواق
يالله ياقاسم لخلقك الارزاق= تجعلنا ممن دايما لك يصلون
والحاء / حياة العبد في اللوح مكتوب = واللي مقدر لك فلاعنه مهروب
ياسعد من في الخير سالك له دروب = ينفعه يوم الكل للعفو يرجون
والخاء/ خذو مني نصيحة ثمينه = كانك تبي عيشتك فيها السكينه
اترك دروب العشق وانسى سنينه = تعلق برب البشر خالق الكون
والدال / درب الخير للكل مفتوح = بابه مدام الجسم في داخله روح
اغنم زمانك دام للفعل مسموح = قبل تمنى مثل ناس ايتمنون
والذال/ ذنب العبد معروف محسوب = عند الذي يعطي وغفار لذنوب
رب الرسل صالح وطه وايوب = ياجعلنا ممن سراطه يعبرون
والراء / رأيت الناس اشكال والوان = منهم رجال للوفاء خير عنوان
يفزع مع اللي شان وقته والازمان = مايرجي غير اللي له الناس يدعون
والزاء / زمانك لو صفي لك بعض يوم = فلاتضن انه بيصفى لكم دوم
انفض غبار الوهن واصحى من النوم = لايضيع عمرك بين صاحي ومجنون
والسين / سرْ اعطيك بيني وبينك = الحق لنفسك قبل تمضي سنينك
ماينفعك ياكود نهجك ودينك = يومٍ من اهواله شباب ويشيبون
والشين / شامت نفسي من كل حاجة = من عقب صافيها نعيش بهماجة
الله يبدل ضيقها بإنفراجة = وتنصر هل السنه على اللي يكيدون
والصاد/ صلاتك دايم احرص عليها = خل الفكر دايم يحثك يبيها
تلقى فوايد دايما تجتنيها = خلك مع اللي لامر ربي يطيعون
والضاد / ضميرك عوده دوم بقياس = يفزع مع اللي صابه الهم والباس
يازينها لاصرت انسان حساس = تساعد اللي حالهم دايما دون
والطا/ طعون القلب ما اقساه واجد = يهدك لو انك شديدن وصامد
ومن ينكر المعروف انسان جاحد = ومن كان مثله جعلهم ما يَعَدْون
والظا / ظهور الحق لابد حاصل = ولصاحبه اكيد في يوم واصل
خلك مع الله دايماً في تواصل = يحميك من ناسٍ نوو بك يغدرون
والعين / عزي لك وعزي لحالي = ان شان وقتك او تكدر ومالي
ماينفعك مالن ولا اهل وخوالي = واقاربك ماعاد صوبك يمرون
والغين / غل القلب ما اصعبه مااقساه = بالذات لامن بان من شخص ترفاه
وانتى تضنه مخلصن لك بممشاه = وصار اسودن قلبه من اللي يحسدون
والفاء / فلول الخير اشكال والوان = تبي الذي يقدم ولا يرجي احسان
غير الكريم اللي على الخلق منان = ياجعلنا ممن لطاعته يدعون
والقاف / قولن غير قولن مأكد = مصدره حاسم مثل سيفٍ مهند
لاتنشره تراك للذنب تحصد = خليك حذرن من وكالة يقولون
والكاف/ كل اللي كَتَبْ من قصيدي = قديم وقته كان وإلا جديدي
للكاتب اجرن كان نظمة مفيدي = وإلا وزر كانه قبيحن وممجون
واللام / لاتخسر صديقن مصافيك = خسارته لابد في يوم تبكيك
لا لا تبيع اللي يعزك وشاريك = ياصعب تلقى اللي لهمك يشيلون
والميم / موت الادمي حق مكتوب = واللي مقدر لك فلا عنه مهروب
ماينفعك دكتور او طب وحبوب = يالله تجعل سكرة الموت باالهون
والنون / ندعي خالق الكون كله = محصي فعول العبد دقة وجلة
تغفر لنا ياربنا كل زله = ياجعلنا ممن لبيتك يزورون
والهاء / هوى نفس البشر دوم كايد = ما ضنتي منٌه بتلقى الفوايد
احذر هوى نفسك ترى العمر بايد = ياسعد خلقن في الليالي يقومون
والواو/ ويل اللي يضيع فروضه = يوم الحساب يشوفها ومعروضه
ما شي عن صلاة ربي يعوضه = مايفعل بدنياه محسوب موزون
والياء / يارب انك تصلي وتسلم = على الذي ارسلته النا يعلم
صدع بدين الله وعانى وتألم = اعداد ما العالم لمكة يحجون
من نظمي ( احمد بن ناصر المحرج )