ياالله لولا حِكْمِتَك ويش أسَوِّي=يافارج الضيقه على كل منصاب
أنا بوجهك يامْكَمِّل نِمُوِّي=يالواحد اللي من تَرَجَّاه ماخاب
من هاجسٍ وسط الخفوق مْتَلَوِّي=حظي تعثر وانطوى فوقه الداب
من خلقتي مازان يارب جَوِّي=لو صفقوا لي عزوتي قبل الاصحاب
الشمس تاخذ من مساحات ضَوِّي=ويضيع عمري في وطن ناسه اغراب
أشيل حِزْن الغير واقول تَوِّي=وانا من الحرمان واقف على الباب
ياكبريائي ياتواضع سمُوِّي=ياصبري اللي يِحْتِضِر فيه الاعجاب
الغيم غيمي والمواعيد نَوِّي=والدمع من عيني جَرَح ظلم الاهداب
من اسفل الماضي وحاضر عِلُوِّي=أعيش مستقبل به الضيم ماغاب