اخواني واخواتي:
عندما سجلت بمنتدى الطنايا سجلت لاني وحده من بنات الطنايا
وبين اخواني وخواتي اقرى لهم واقرى اخبارهم واشاركهم لو بشي بسيط
وبصراحه ما احب اكتب شي مكرر او اني الطش شي من المنتديات الثانيه
كتبت كلمات بسيطه يعني مشاركه
ولا فكرت في يوم اني دخلته لاخذ لقب شاعره
وهالقصيده مرت عليها سنين ايام ما كان حامد زيد بدوانيه شعراء النبط
على القناة الاولى بتلفزيون الكويت ايام بداياته
وانا على علم بالكسور اللي فيها لكن حلات الكلمه من طلعه
المهم ماعلينا قراها حامد بسلامت اللي وصلها لوه ماقصر اخوي
وكان رده ونعم الرد:
من تكون اخت الحجر يابن الحلال ..وضح الغــازك وعطنــي حلها
لاتضـــيع وقتنا روح وتعـــــال... ترســـلك قلــــه ويــاخذ قلــها
كان ترضاها الشريفه للرجال .....مارضيناها وطـــعني خــلــــها
معرفتكم يالطنايا راس مـــال ......وانت تكـــفي عن قبيــله كلها
العذارا كيدهن يهدم جبال ..شاعرتكم لوتتوب عن القصيد احسن لها
والباقي ماحصلته
***************
وارسلت له ردي :
من ورى شاشه وانتر واتصال ...بختصر قلـــه وياخــذ قــلها
اخت الحجرمن طين ماهي خيال...تستفزك غيض ويكبر فعلها
ماله داعي تستثير كل الخصال...هدها اعصابك وبالمي بلها
لاتطير غـــرور يوصــل للجبال...والسما فوق تعجز وصلـــها
وترتفع بالقول وترجع للرمال ...وتحتضن ابيات شعرك كلها
واحسافه كنت احسب انك كمال..والحقيقه عكس يعجز حلها
كنت اظنك تحترم كل الـوصال...تستمع للراي وتقدر رسلها
والحقيقه بانت علوم الرجال ... وليمثل كــل قبيــله نـــسلها
والمشاعر ماانكتب منها وقال....منت حارسها ولاقاضي لها
تمتمت ماتبقى من الجــدال ...الشريفه ماطلــبت تشــــهد لها
وسلامتكم
اسفه طولت عليكم