تقاطري من زمزم الماء علّ زمزم لادرى=إن كتب ربي وشافك صار طعمه سكري
سيلي بياضٍ.. لاسوادٍ.. لامثل لون الكرى=إن عرفتك لاتبيني وإن فضحتك إنكري
لانويتي تستظلي بي أنا كلي ذرى=والله إني بخير مادام قلبي شمري
ماتعّرف مجنون عقد عنق الثريا بالثرى=يملك الياقوت والدرّ لكن مو ثري
يجمع مجرات السموات العلى والمشترى=واجد ولكن مالقى من يستحق ويشتري
نظمتْ فيروزةٍ للي بعمره ماقرى=إسطورةٍ من عتيقات الزمان المهتري
توّجت رأس المفدى كلها ملح وطرى=أحدّْ من رمح المثنى وأوصف من البحتري
كتبتني وصار لب الحرف وأطرافه عرى=جيت أبقراني ولكن .. ماقدرت إن أنقري
ما كان لون الفجر متفائل بصوت الكبرى=مثل ماضحكي تفائل في بنيات إنظري
حاك الحكايا نص فاه الليل وماظني زرى=ومايهمني الليل كله لو تحاكى بي وزري
مجنون طيربالسماء إثنى عشر نجم سرى=كلما رددت له تنتخي قال .. ابشري
يامعشر الجن بالوادي العظيم اللي جرى=مالكم به مدّرى إلا ضلوعي تدّري
لو صغت لي ألف راء مترادفه مع الف راء=في قبة مخملية وقلت لي ياشيخ.. ري
قلبـــي.. شمــــري
العرض العادي
