يعطيكم العافيه على هالمساجله
العذر والمسوحه القصيده طويله شوين مار هي حلاته كله لازم كاملتها
لي هيامي فـ الخيال وكل شاعر له هيامـه=والشعر مابه كبير ولاصغير ولااقدميه
من بكم يحضــر قصيده ياجماعه في منامه= ماتحدى مير والله يانها صـارت عليه
زارني شيخ بمنامي محرم ولابس عمـامه= دق صدري في عصاه وقال جايبلك هديه
قلت وشي قال هذي قلت وشـي قال خامه = فلها واكتب عليها قلت مافيهاأذيه
قال أبداً لا تخاف وقلتله مع السـلامه =وقبل يمشي هز كتفي قال عندي لك وصيه
اكتب اللي انت شفته ماعليك من الملامه =راح تطلع لك قصـيده تستحق الأفضليه
وصـد وجهه راح يمشي وقمت افكـر في كلامه=كيف اخـلي هالقصيده في منامي واقـعيه
يوم فليت القماشه فرفحت مـنها حـمامه =وقمت اصفق من منامـي للحلوم الشاعريه
وسلامتكم
وللأسف ما اعرف اســم الشاعـر
تحياتي لكم