اقتباس:
المشاركة الأصلية كتبت بواسطة ابو ناصر المحرج
المعنٌى دايماً حاله صعيبة = ينتصف ليله سهيرٍ ماينامي
علته صعبه ولاحصل طبيبه = كنه مصوٌب بقلبه بالسهامي
ويش بباله مشغله الله حسيبه = الهم ينزل به ويصعد للغمامي
إن كان سبة علته فرقى حبيبه = راح حاله مابقى غير العظامي
من زمان الحب يذبح من يصيبه = وان عاش يقضي كل وقته فالظلامي
عيشته صعبه وحاله مستريبه = ماتهنى في شرابٍ اوطعامي
وإن جلس مع البشر حاله غريبة = شاردٍ محل شكٍ واتهامي
الهوى اللي ينفع ولا احدٍ يعيبه = فاالشدايد ذخر لك واقوى حزامي
تعلق بمن كل خلقه تلتجي به = محيي العظام الفانية عقب العدامي
وحب فعل الخير وابذل مايجيبه = تعيش عيشه كلها حب وسلامي
والفروض اللي على المسلم وجيبه = ارعها يالله عسى حسن الختامي
( احمد بن ناصر المحـــرج ) |
الأخ احمد المحرج صح لسانك ملايين الملايين لقد ابدعت لاهنت اعجبني اسلوبك بالقصيدة عتب لمن هو رهين الحب العاطفي وماينتج عن ذلك الحب من تعب وسهر وذهول ومن ثما حولت المعنى الى اسمى من الحب العاطفي وهو التعلق والرغبة فيما عند الله من خير الدنيا والآخرة وهذا اسلوب ذكي وراقي لاهنت /
تحياتي لمقام سموك الكريم :
رد: ... ( من زمان الحب يذبح من يصيبه )...
العرض العادي
