قالوا لي اقصد قلت حاضر وممنون=من عهد صملات السنين المضاوا
عندي لكم قاف نظمته على النون=تعبير من هجس الضماير تقاوا
ابيه عند اللازمة تقل مسنون=يامن فكري فيه جاب النقاوا
بنات فكري بالمثايل لهن لون=على هوا المعنى يكونن كفاوا
فيه ابي اداوي علة اللي يعلون=مثل كثير الهرج واهل الوشاوا
اشوف حال اليوم له الف ابو لون=على بعض ناس غدابه سروا
غدابه الوقت المحدد بقانون=من بين هذا وذاك والدور ساوا
ياليت لو بعض المخاليق يدرون=عن منتهى صدق البخوت الهقاوا
اللي اليا قالوا فبرهان يدلون=تلقى لهم وقت المواضي سعاوا
ماهم الذي في منهج الشين يلهون=اللي على ميجادهم ماتغاوا
ذولاك ياشمر تروهم يخبرون=يوم غدا بين السعد والشقاوا
يوم على اللي ياجماعة يعودون=تسطي حرابه والشواهد حكاوا