شاعر وعنده عشيقة

ياخوي كانك ماتعرف الحقيقه
__________ قبل تضيع من الضمير الحقايق
:
هم الرفيق بـ هم خاطر رفيقه
____________ صبرك عليَّ واستمعهن دقايق
:
يقولهن قلب الصدوق لصديقه
____________ ماعاقهن من تايه الهرج عايق
:
لاهل القلوب الواعيه المستفيقه
__________ واللي قراهن من جميع الخلايق
:
إن جاز لك والا ارمهنّ بحريقه
____________ أو اقرهن لاصرت فايق ورايق
:
مضمونهن شاعر وعنده عشيقه
_________ وخايف عليها والفؤاد متضايق
:
لو دونها كل العوايق طريقه
____________ لأنهم "20,000,000" عايق
:
والكل منهم لا اعتبرها غريقه
_________ يصبح: من اعداد الموات الغرايق
:
عاشق بلاده والمحبة عتيقه
___________ ويا رب جنبها خبيث الطرايق