يادلتي كن زوله ياتمعنته =بنتن تبين ةماله عندعاشقها. صوت وصوره

https://youtu.be/BamsfqfVwPk

اضغط على الرابط لكي تسمع القصيده صوت وصوره

 

 

 

 

 

 

 

 

 

 

الله الله الله عليك يامشعل
الله لايحرمنا من هالصوت يارب
صح لسسسسانك وعلا شانك

ويعلم الله اني من اشد المعجبين بشعرك الجزل

وانا لي موقف قديم معك وصار به قصيده وابي اذكره على شان بيت واحد اشوووفه يزهااااك يزهاااك واللي اقول به ( بيته مقر اجواد ملفى مسايير ** واكبر دليل اشوفها بصورتن له

هذا سلمك الله كنت مشترك في منتدى سفير شمر خالد اللغيصم قبل حوالي سبع سنوات او ادون م اذكر يالضبط

وكنت بهكالوقت انا ادرس بالاردن وعزوبي وكنت متابع للمنتدى ب استمرار
ومعجب جداً جداً في قصيدك واعتبرك مدرسه ، وكنت انت وقتها حاط صورتك توقيع ، جالس وسط معاميلك ونجرك ، وهيضتني الصوره جداً ورديت عليك في احد الردود وقلت الله يطول بعمر اللي بالصوره هيضتنا لمجالسهم ، رديت علي انت وقلت ان اللي بالصوره هو انت مشعل العسام

ويحكم اني كنت متابع لقصيدك اول باول لاحظت انك مقل في الغرل وكتبت هالابيات بالمنتدى وهي :للي اقول به :

البارحه ليلي قضيته مساهير
ماهو علل لو قيلي فيك عله
..
أقرا بيوت ِ وافيات المعـايير
بحر الجزاله والجزل مورد له
..
يامشعل العسام مسيت بالخير
شمس الشعر شفته معاكم وظله
..
شاعر تصخر وافي القاف تصخير
حتى المعاني وافيه في محله
..
يشهد على قولي جميع الشواعير
بالمنتدى واللي قراء مايمله
..
وأخلاف ذا موضوعنا وجهته غير
أشوف شعرك يشتكي فاقدله
..
طرق الهوى بوصوفهن الغنادير
سود العيون اللي رموشه مظله


الى ان اقول

مدري خذاك الي خذا سالم الزير
ولا عليك من العواقب مذله
..
الشيب عزن في وجيه المناعير
اللي حياته بين نجرن ودله
..
بيته مقر اجواد ملفى مسايير
وأكبر دليل نشوفها بصورتن له
..
هذاك شوق الي تحط المناكير
كل العواطف بالخفوق رهفن له



ورديت علي رد وافي وكامل وجزل كالعاده ولانستغربه منك


انا اوردت هالموقف لانه طرى علي قولي بك


بيته مقر اجواد ملفى مسايير
وأكبر دليل نشوفها بصورتن له


وانت ان شاء الله انك مقر اجواد وملفى مسايير ،
الله لايحرمنا تواجدك وقصيدك الجزل يالمدرسه الشعريه

ونتشرف يعلم الله بكم

اخوك:
عبدالله بن فهد اللامي الوريكي

 

 

 

 

 

 

 

 

 

 

والله والف نعم بك وفي جميع قبيلتك انتم اهل الطيب وانتم اهل الصخا وانتم شرف لشمركلها بدون قصور في باقي شمر الله يبيض وجهك ويرحم اللي جابوك الف شكر لك يالغالي على هالكلام الطيب صح لسانك على هالقصيده الجزله ولافظ فوك