السلام عليكم ورحمة الله وبركاته
اقدم لكم هذه الابيات الشعريه واتمنى ان تحوز على رضاكم
وقف دقيقه يالغزال اللي تحدا في حلاك=انا انتظر لحظه مثل هذي تجيلي من زمان
قلبي معك وانت المليك اللي ملكته ياملاك=يحق لك تثني هواجيس المولع بإتجاهك والحنان
تدري وش اللي حدني لك عن هذاك وعن هذاك=لنك جمعت من الوصايف عشر والغاية ثمان
حدّ الهلاك من الامان وكني اقرب للهلاك=قربتني يم الهلاك ورحت عن حدّ الامان
تبي الحقيقه لو هلكت من الغلا روحي فداك=حبك طبعته بالضمير ولا طبعته باللسان
يمكن غلاك انت يتغير كان تنشد عن غلاك=كان ام سنمان تغير من مكان ليا مكان
قلت الحقيقه ودي انك ماتمادى في جفاك=لو اني ادري ماعلى الدنيا ثبات ولا ضمان
لكن ترى عندي شموخي لايغرك مستواك=مايحترك لو جت عواصيف الغلا والامتحان
يالله عساك وياعساك وياعساك=تعطي موازين الصراحه حجمها والاتزان
هذي صراحه من حكالك لا ومرك ولا نهاك=احساس شاعر عبره بين القساوه والليان
شرعت في داخل كيانه لا منعك ولا حداك=عطاك فرصه لين حركت المشاعر والكيان
واصبح من الكايد تحل المشكله والاشتباك=دم وغلا مع نبض روح يجريان
وتقبلو فائق تحياتي
كلمات الشاعر
مرزوق الرمالي