منهم فريس الززززززززززززززززززززميل

بسم الله الرحمن الرحيم السلام عليكم ورحمة الله وبركاته صراحه ـأبي أعرف عن فخذ ( ـألزمًٌَُيًٌَُل ) من سنجارهـ** منم فرسانه ؟؟؟ظ يعني منهم فريس الزميل والله الموافق ردولي

 

 

 

 

 

 

 

 

 

 

الزميل وهم سبع الجموع
وفرسانهم واجد لكن نتركـ اهل
الاختصاص أو أي عضو منهم يتطرق
الى ذكر فرسان فخذه لانه اكيد ملم بفخذه وفرسانهم

كما لا أنسى ان اشكركـ ياأخ مجروح للتطرق لهم وذكرهم


تقبل مروري

 

 

 

 

 

 

 

 

 

 

مع شكري لك أخوي ملتاع الطنايا أعتقد بأن فرسان الزميل من الصعب حصرهم
لكثرة فخوذ الزميل ولعل الأخوه اعضاء المنتدى يفيدوك كلا حسب معلوماته0

 

 

 

 

 

 

 

 

 

 

كل شمر خياله

 

 

 

 

 

 

 

 

 

 

الاخ مجروح الطنايا ..
هناك الكثير من الفريس الذين
ذكرهم التاريخ وفي المقابل هناك من لم يذكرهم
التاريخ..وبالنسبه لسؤالك..احببت ان انقلك ماسألت عنه
عن طريق قصيده نقلها الراوي فواز الغسلان قد يكون
هناك بعض الاجابه لذلك..وليعذرني الجميع
لعدم تنسيق القصيده.
تفضل وقراءة ممتعه للجميع..


ملحمة الزميل لابن غسلان


ملحمة الزميل لابن غسلان

يـقـول الــذي بـمــدوح ربـعــه مهــو مجـبــور=او انـه يـقـول الـلـي بمجـد الـعـرب ما كان
ولا هـاض جـاشـي فـي جـزيـل الـمـثل مخبور=يجـي كاملـن مافـيــه زود(ن) ولا نقـصـان
وانا فـي فـعـول اولاد الازمل نـظـمـت سـطـور=وتاريخـهــم يحـتــاج خـمـسـة عشر ديوان
جـموعـن الـيـا سارت مع البـيـرق المنـشــور=تلاطــم تـقــل موجـن بدخـلـة شهـر نيـسان
كـفـوفــن نـداهـا بالــصـخــى دايـمــن منـثــور=وعـنــد الـوغى ترمي ولا تخـطـي النيـشان
ومـن عــال حــول اولاد الازمـل وقـع مثـبــور=ويلـقــى بـهــم ناســن تسوقـه وهـو منهان
سـباعـن رعــت دار الـمـعـادي بـدون سـبــور=يهيلك جـحـيـم قــفــوشـهــم داخـل الـميـدان
تحـت بـيــرقــن يلـفــح الـيـا زرفـل المـظـهـور=بـرايـة سـلــيــل عــبــيــد وزمـيــل وثـنـيـان
موارث سعد شيخـن رفـض خـاوة المـسـطـور=وقال الـثــمــن قــدح الـفـتــايل مع الغـلـمان
سمي الـفـهــد واف الـعـهــد لـيـن نفخ الصور=ولـه وقـفــتــن تـفــتــح قـفـولن على البيبان
لـه الجـود طـيـب الـعــود والـمـاقــف الـمـاثور=حـمى الناس وقـت الباس عن ثورة النيران
ذرى الضيف ضد الحيف والزيف واهل الزور=وله قومت(ن)تطرب حـشى الحاير الولهان
خــذى شـيـخـتــه مـاهــي جـمـالـه ولا ديكــور=ولكـنـهــا قـصــرن قــديـمــن عـلـى عـمـدان
وعـمـدانـهـا كــف(ن) بسـيــل الـنــدى مغـمور=وماضـاع وقــت الـصـوم حـطـه قـبل شعبان
شرى الـطـيــب ناب الـذيـب لا دفـلـج المذعور=هو الشيـخ وابن الشيخ شيخـن تلى شيخان
شـيـوخ الـنـدى ضـيـم العدى شـمـعة الديجـور=تقـود الجـمـوع السـبع والخـيـل والـفـرسان
ومـعـهـم دعــوج الـطـيــب شـيــالـة المكـسـور=وصار الـمـثـل يضرب عـلـى خــوة الشلقان
هل الـقـفــش والـبـنــدق هـل الرمي والشرشور=وفي بـنـدق الكاسـب لمجـد العـرب عـنـوان
مع الشـيخ ابو كاسب عـبـكـلـي صليب الشـور=ونخـوة خـلــف حـشـاش والشيخ ابوسلطان
ومع فعل اخو وضحى قصيدن يـفـوح عـطـور=على الصدق يكشف صايب الراي والغلطان
ويـوم الـــرواويـــه شـبــع راعــي الـمــنــقــور=وبـارود ابـن داثــان والـلـي فـعــل خـشمان
لـهـم سـبـع فوق اهــل الـمـراجـل بدون قصور=ومن يطـلـبــه يـزهـم عـلـى نـمـرة الغسلان
غــدو جــوهــرة شـمــر مع الـمـسك والكافـور=والامـداح ماتــزهــى الـخــلايـق بـلا برهـان
ومع جمـعـهـم جمع(ن) مقـامه بـروس الـقـور=معـه تـاج مـرصـوعــن عـلى هـامة النبهان
حـروف الـذهــب بأخــوان مـيـثـاء وحـبره نور=ويكـفـيــك قــول الـلـي لـقـى بالحـفـر مزبان
عـيــاده وهـايـس والـدمـانـي شـفـى الـمجــدور=تـواريخــهــم بــدر الـغــداري الـيـا مـن بـان
ومـيـقـافــهــم بالـعــامــريــه شــبــيـــه الـســور=وبالـصـدق مانجـحــد ثـنــى ربـعـنـا الجرذان
وحــواس مـع قـاســم وجـلــبــاخ تـقــل نـمــور=ومعـهــم حـسـيــب الـلـي هـداده تقل شيهان
وفـيـهــم حـكــيــم الـشـعــر كالـخـايع المـمـطور=فـهـيــمــن نـظـم شـوره لنصح العرب قيفان
وفـيـهـم ولــد طــارش سـقــى جـاره الـمـقـهـور=سـقــى ذود جـيــرانــه وذوده وقــع ضميان
وكان الـدهــر جـمــره كــوى جــانـح العـصـفور=تـرى الـريـف مزبان الجـياعا على الشـدفان
ومن قـــال انا ضــوي فــهــو بالــنــدى مـذكــور=ونـسـل الـهــريـش اللي بهم سلوة الجـيران
وابن غـصـن بجموع الـسـعــد كـنـهـا الـطــابـور=مع اولاد الازمـل كـنـهـا الـمـسـك والريحـان
ومع جـمـعــهــم ســارت ســلايـل وســاع الـدور=تـداحـم بـهـا روس الجـمـاعـه مع الـضيـفان
جـمــوعــن مـع ابـن سـمـيــر له بيـرقن منصور=وريح الصخى يسـري ورى سربة السلـمان
وبالــعــرق يـوم الـرمـي كــنـــه لـهـــب دافــــور=ظهـر فـعـل ابـن هـادي وصولات بن عردان
ومـن بـيـنـهــم بـدعــي جــوابـه تـقــل ســاطــور=وخـمـسـة صواريمــن تسلـسـل من الربضان
ونـسـل الـغــويـنــم حــازوا الـمـاقــف الـمـشـهور=ويوم الـوغـى تـصـهـل خـيـوله مع النمصان
ومـن راح لــه ذود(ن)وقــلــبـــه وقــع مـدمـــور=بفـزعــة ربـوع الـصنــخ عـادت له الـذيـدان
زمـيـل الـصـخــى قـصـرن بـمـجـد العرب معمور=ومـن دونهـم ظـلـعــي قـــديـمـن مع الـذرفان
ومن يـزبـن الـشـيـحـه رقــى فــي جـبــال الـطـور=هـل الـمـوس والـدبـوس للــعـايـل اللي خـان
وجــيــرانـهــم عــاشــوا بـروضـن زهــاه زهــور=ابا قـــريـن قــدام الـنــشــامـى رفــاع الـشـان
وفـيــهــم عــيــال لـويـش بالـجــمــع تـقـــل بـدور=من زمـيـل ثــم سـهـيـل ولـويـش من شرهان
وعـاداتـهــم حــيـــل(ن) وقـع جـزلــهــا مـنـحـور=ويشهد لهم حي(ن) على الـغـرب من صديان
وفــي قــربـهــم نـسـلــى ونـامــن دروب الـجــور=وبـربـاعــهــم كــنــي وســط رفــة الجـــربـان
عــيــال الـهــيــالا جــنـــة الـخــافــق الـمـجــمــور=وبسـيـوفـهــم راع الخــزى يلـعــن الـشـيـطان
جـمــوعــن مـشــوا فــي راي كـل ابلـجـن منعـور=وعــــاداتـهـــم ردة ديــونــه عــلــى الـــديــان
وشالـوا حـجــيــج اهــل الجـبــل والـزمـان حـرور=عــقـب سرقـة ركاب الجـماعـه ورى الوديان
يـسـوق الـزمـيــلــي نـاقـــتــه طــايـعــن مـســرور=لـغـيــره ويـمـشــي لـلـحــرم والـقــدم حـفــيان
وانا لــو بغـيــت احـصـي فـعــولــه نـثــرت بحــور=وعــديـت لـي فـعـلــن زمـى عـالـي الـظـلـعان
ومـن يذكــر اهــل الـطـيــب والـمــرجـلــه مـاجـور=وبالـكــذب ماتـلـــزي بـيـــوتــن بـلا سـيــسان
الا يارجــالــن عـــلــمـــهــا مــن ورى الــخــابــور=ويا لابة(ن) وقــت الــوزى تـشـبـع الجـيـعـان
ويا لابـــة(ن) شـــادت بـوســط الـكـــرام قــصــور=وياســربــة(ن) ذيـبــه رقــى نـابــي الجــيـلان
واريـد الـسـمــوحــه يـاشـفــى الـخـاطــر المـمرور=اذا مــا نـسـيــت وآفــــة الــراوي الــنــســيـان
وهـــذا ســلام الـلــي بـربـــع الــــنـــدى مــاســـور=ولـــو غــبـــت قـولـوا يـرحم الله ابن غـسلان


ا- سليل عبيد هو الشيخ فهد بن عبيد ابن ثنيان0
2- سعد هو ابن ثنيان الاول الذي رفض دفع الخاوه لابن وتيد 0
3- ابوسلطان هو الشيخ مياح بن فالح شيخ الشلقان 0
4- اخو وضحى هو غريب الشلاقي 0
5- اخوان ميثاء هم النبهان وهم(الرخيص والخمسان والشمروخ والضو والعماد)0
6- جلباخ راعي جرافه من عقداء الرخيص وحسيب هو ابن منزل من عقداء الخمسان0
7- حكيم الشعر هو ابوزويد 0
8- ابن طارش هو سمير بن طارش الصلعاء الخمساني اللي منع نياقه عن الماء
لكي يسقي نياق جاره الرويلي لين رمن المعاشير من العطش 0
9- الشدفان لقب للشمروخ 0
10- الهريش شيوخ الضو والغصن شيوخ الابي سعد وهم مشهورين0
11- بالعرق اقصد قول الشاعر:
ياما جرى للنظى قبل امس=بنـقـيــرة العرق من غادي
يالبيض يامخضبات الخمس=شومن لبرجس وابن هادي

12- الغوينم شيوخ النمصان 0 وربوع الصنخ اقصد كاتب الصنخ الشهير
وربوعه هم جماعته النمصان 0
13- الشيحه اهل الدبوس وشيوخه ال اباقرين 0
14- اللويش هم عيال لويش بن شرهان بن سهيل بن زميل 0
15- شيلة الزميل لحجاج حايل عندما سرقت ركابهم وهي مشهوره للجميع0
16- ظلعي مع الذرفان لان الجميع يعرف صداقتي القويه معهم لذلك ماحبيت
ان امدحهم لكي لاتكون تهمه علي نظرا للصداقه 00
17- الهيالا لقب للزميل وكذلك اولاد الازمل 0

 

 

 

 

 

 

 

 

 

 

(كون الفاج بين شمر والرولة بقيادة برجس بن عردان السلماني )



كان بعض من الزميل ومعهم فرسان من شمر في غزوة كان عقيدهم برجس بن عردان من الزميل..
فعلموا بأن الرولة بجانبهم وينوون الهجوم عليهم فقرر برجس بن عردان استكشاف قوتهم.
فذهب (نبيثان النسيواني النماصي) مشيا على الأقدام كي لا يراه أحدا منهم فتتبع أثرهم ورأى ما لديهم من إبل كثيرة وجيش لا يستهان به.
فرجع إلى أصحابه مع غروب الشمس وبشّرهم بالإبل ، وبعد مشاورات بينهم قرروا أن يغزوا الرولة مع بزوغ الفجر وفعلا تحرك الفرسان وأغاروا عليهم واستطاعوا أن يأخذوا كثيرا من الإبل.

فلم يلبثوا إلا وفرسان الرولة خلفهم ، فنادى برجس بن عردان بأعلى صوته لأصحابه بأن من يقتل منهم فارسا فله الوجب

وأما برجس فقد حرف وجهته للقائهم كان ذلك في مكان يقال له ( الفاج ) شمال الخر
فالتقى الطرفان وانتهت بانتصار ابن عردان وجيشه الذي فيه استطاع جزاع بن سكران النماصي من قتل سند بن دويرج فيما استطاع دهيرب السكران النماصي من قتل مليح القعقاع الذي تبين فيما بعد بأنه لم يمت وإنما وقع وأغمي عليه من أثر الإصابة.
كما استطاع شايم الربوض من قتل آخر منهم وكذلك استطاع رشيد الويباري من قتل فارسا آخر .

وبهذا كرّم ابن عردان هؤلاء الأربعة بأخذ الوجب في تلك الوقعة فيما قتل من شمر من قتل في تلك الغارة منهم من النمصان سالم بن نامر .



يقول غازي بن مطرود الفقعاسي في المعلقة النماصية







ويوم ابن عردان العقيدي * مقدم ورايه سديدي* ومعه من ربعي أكيدي*
جزاع وادهيرب شجعان
















أسألوا عبده وسنجاره * وش حصل بوقت الغاره* وشمرعمومه حضاره*
ترهم من ربعي السكران















الوجب ربعي خذوه* حولو والعمر باعوه* والتالي ربعي فكوه*
والعدومنهم خسران















حولو بتال الركايب * لعيون طويل الذوايب* بيوم ٍ جرابه مصايب*
وخذو الوجب طيور حوران









خذوا الواجب على شمر * حولو من اكوار الضمر* وسعد أربوعي تعمر*
شين عندي لـه برهان








والعمر ما حسبو لـه* وراع الرديه فكو لـه* فعل ربعي من يطولـه*
ولأهو للقبايل حقران
















ضحو بتالي خوياهم * جزاع وادهيرب يا الفاهم* الله بالجنه يجزاهم *
ورجح لربعي ميزان















حولو في وجه الهاجم * ومن فعلهم عود نادم * ولا مثلهم بالأوادم*
بشهادة ابن عردان

















من فعلهم قسمهم زايد* وهذي لربعي عوايد* والوجب لربعي شاهد*
علمهم عزالله بان

















شئ وكل شمر تخبره* ولا تلوم من نفذ صبره * والدنيا تركله غيره *
والحق ما يزعل فهمان

 

 

 

 

 

 

 

 

 

 

المشاركة الأصلية كتبت بواسطة مجروح الطنايا

مجروح الطنايا..
موضوعك مهم ونادر لم يتطرق له احد من قبل ولم يوجه لاحد قبلك على ما اعتقد.
.
بس هذا السوال يحتاج سوال واجابه قبل التطرق لموضوعك هذا وهو تعريف الفرسان.
منهو وشي مواصفات الفارس؟؟؟ البعض يحسب ان الذي يذبح القوم الاعداء ويستبسل بالدفاع عن ممتلكاته فارس ويحسب ان الذي يقارع الاعداء من اجل اخذ الغنايم فارس ويحسب ان الذي يثني عند خويه بالمعركه ويلحقه فارس. وهنا يا اخي تكون الاجابه على سوالك مشتته!!!
الفارس هو من استفرس على الفرس والسلاح وابدع بجدعه الخيال لابقصد الطمع بل بدافع الفراسه وهومن ابدع بستخدام السلاح والسيطره على الفرس والضرب بقوه والفرس تجري بقوووه هذا الفارس..
فقط.فمن توفرت فيه هذي الصفات فهوالفارس.

والتذكربعض الفرسان من الزميل وهم كثييييرجدا ولكن هذا الذي اذكره بهالحظه والاخرين كثير.
حمدان بن جبل من السلمان.
غصيبه الربوض من السلمان.
برجس ابن عردان من السلمان.
علوم ادريبسي من اثنيان.
الكاسب ابن عبكلي من الشلقان.
سند ابن ضافي من الشلقان.
شامان ابن فالح من الشلقان.

وغذرا هذا حدود معرفتي وانا متكد ان غيرهم الكثير بس
ما اذكرهم الان..

همسه المساحه الجغرافيه بالملك دليل على القوه.

 

 

 

 

 

 

 

 

 

 

مشكور على الموضوع
من فرسان الزميل
البطل برجس بن عردان من السلمان
وكاتب ومحيريت الصنخ ومفلح بن نامر من النمصان

كاتب الصنخ راعي بيرق مع الملك عبدالعزيز واخوه محيريت الصنخ من الفرسان القلائل يقولي احد الشيبان كان عند الشيخ مرعيد بن رمال وتكلمو عن الفرسان فقال مرعيد والله ياولدي اني من خلقتي ماشفت هوش مثل هوش محيريت فكان رحمه الله فارس يشار له بالبنان
ومفلح بن نامر وثعيليق الشرعان كانو عقدا وفرسان واثناء معركة الجميما اغارو بس الخيالين مفلح وثعيليق على عنزة وخذو حلال وزعل بن رشيد ويقال انه بن سبهان وحلف وطلق الا ينزلون من خيلهم وقال حنا طمعنا بالرجال ماهو بالحلال ويوم نزلهم وقف جناح الجيش مامشا قال ليه الجناح واقف قالو بعض اللي يعرفون مفلح وثعيليق وشلون يمشي وقادة الجناح نزلتهم من خيلهم قالو له عطهم الخيل فقال انا طلقت وقالو له الحريم بدالهن حريم لكن منين تجيب فريس مثلهم فرجع عليهم الخيل وأبلو بلاء حسن بعد ماكان الجناح منكسر
وفي هذا يقول الشاعر غازي مطرود:
ويوم الجميماء والطليفيح* خيالتنا مشافيح* هذبو بلا أمر وتصريح*
مفلح وثعيليق الشرعان


هذبو بس الخيالين* والشيخ حلف واقسم دين* وطلق كل الحرمتين*
الأ يعاقب للفرسان


وخذا خيلهم منهم* وانكسر الجناح لزعلهم * قالو يا شيخ لا تزعلهم*
رجع خيل النمصان


قال طلقت أمهات عيالي* والله ما أدري وش طرالي* اضنه قرب زوالي*
شورك يافلان ويافلان


قالو جناح العز نوخ * ياشيخ وقعنا وسط الفخ* قال ترضوهم بالمجوخ*
ورجعو خيل الشجعان


وعقب انكسار الجناحي* النصر بالجميماء لا حي * من فعل طيور الفلاحي *
وانكسر جمع العدوان




وراح اوافيكم عن قريب بمعلومات ريثما اتأكد منها

 

 

 

 

 

 

 

 

 

 

اشكرك اخي الغالي على الموضوع

بالنسبة لفرسان الزميل كثير ولا يمكن حصرهم

ومن ابرزهم عبكلي الشلاقي اللي جاب الجمل شقران من الشرارات

وغريب ابن معيقل اخو وضحاء

ومنهم برجس بن عردان من السلمان من ابرز شيوخ الزميل

ومجيدع الربوض اللي غزاء مع خواله الشلقان

علوم الدريبسي من الثنيان وهو اللي اخذا بارود عودة ابو تايه من يده

وبايق بن ثنيان شيخ الزميل من ابرز الفرسان

كذالك الاخوين شنينان ودهيرب ابناء مناكد الذرفي

ودهيرب اللي يقول به الشاعر الشمروخي

ابو نعس ياتطارنه = حراَ على راس مرقابي
يزها الركايب ويزهنه = ويزها طويلات الارقابي

وساهي الذرفي اللي يقول ابو زويد

مدام سهيت ساهين ينتخي به = عدي عن الذله بسوق المزيريب

كذالك خلف بن لويش

والرخيص منهم فريس دواهي

 

 

 

 

 

 

 

 

 

 

والله ونعم بالزميل سمعت عن فارس اسمه رايس بن رخيص هل الاسم صحيح هل هو رايس او دايس وسمعت عن فارس اسمه حواس بن خمسان وكان شجاع رحمة الله عليه