مهما بغوا اهل الردى يعذربوني
مهما بنوا من كذبهم زيف واوهام
ماهاب مادام الطنايا اسندوني
امشي واجدد همتي دوم قدام
شمر ذرايا والسناعيس عوني
لياصاريجرح سيرتي بعض الاصنام
ناس/ن على سمعة قصيدي ظلموني
مايحلق العليا ترى رمي الاسهام
يكفي فخر ان الطنايا بخنوني
مسيرتي بالشعر 15عشر عام
عزومي مثل سنجار مازحزوني
ابقى عزيزة شامخه عالي الهام
مثل كروش الضيغمي ماشروني
عجزت تروض هيبتي عفون واقزام
كم أمسية في ديرتي له دعوني
وكم من لقاء بين الصحافة والاعلام
رفضتهن حيث الطنايا بعيوني
دايم اكون لعزوتي درع وحزام
وصوتي ابد مايوم فيه اسمعوني
البس عباة الستر والعزه لثام
وشعر الغزل ماقط فيه اعرفوني
قافي عضيد اللي من الجور منضام
حاربت جمع الضد لو أبعدوني
ارثي عراق المجد في كف ظلام
ماقد مدحت اسيادهم لو نفوني
من يوم جرو للمصاليب ضرغام
فديت غلبا بالشدايد ثنولي
شمرابعاد الصيت صلفين واكرام
ياكم شيوخ من الطنايا ثنولي
تعجز توفي طيبهم مدح واقلام
هم بلسمي للي بقفايا طعنوني
حيث انهم ربعي صناديد وعظام
ويكفي فخر ان لابتي لقبوني
الشاعرة اللي لها شمر وسام
بقلم الشمريه المجهوله