اشره على العاقل المدرك لكل الامور
اليابدر منه مايجرح شعور الصديق
والاترى الجاهل الي فيه غي وغرور
ماني بشرهن عليه ولو وقف با الطريق
ياقلب خلك على زلة صديقك صبور
محدن على كل ماتخفي النوايا مويق
وانظربعين الرحابه في جميع الامور
واصعدبراس الطويله وارق قمة طويق
واللي تتبع عيوب الناس بعيون عور
ليته بعد ماغفل في عيب نفسه يفيق
الناس تفهم وتدري وش تكن الصدور
وتميز الشري من طعمة لذيذ الرحيق
وقصر النظر ماجنا منه المزارع زهور
وبعدالنظرفرج الكربات من كل ضيق
منلا يشيد بصبره شامخات القصور
لاتجعله لك صديق ولوهو اخون شقيق
ابي اتصبر وفا للي بوسط القبور
والا تراني من الشرهات حرن طليق
انا زرعت الوفا وترابكم صار بور
وارض الصباخي بها زرع الوفا مايليق
مشعل عسام التريباني الشمري في1/1/1440هجري