كتبت هذه القصيدة في بداية طريقي بالشعر قبل ثمان اعوام وانتشرت في
شمال الرافدين والاردن لأن الناس في ذلك الحين كانت تتشوق للشعر
واقدمها لكم من ارشيفي الخاص لما لها اثركبير في نفسي
وانا احمد الله ان ضميري هو الذي يحكم قلمي
والمادة تحكم النفوس الضعيفه
كل(ن) يقول الشعر مغالب ودولار = ظالم من الطيبين لابد يغيري
وكل(ن) يقول الشعر منافق واسعار = هذا ضعيف النفس عدم البصيري
انا اقول الشعر بحقـ(ن) ومقدار= الشمريه تقول عدلـ(ن) مسيري
مادام بالدنيا اجواد(ن) واحرار = يكتب قلم شعري لا مايحيري
انا هويت الشعر من حنا صغار = وربا معاي الشعر مني صغيري
انظم الأبيات بأمثال واشعار= قصايدي من صوت عقلي وضميري
وثنيت انا بالمدح لـ صلبين الأشوار = للتسمعه الأذن وشافه نظيري
للمكرمين الضيف مهزابة الجار = الكاسيين اضعوف جوخ وحريري
واقدورهم مايوم ملت من النار = وكرماتهم بالوصف ريف الفقيري
واللي رحلوا ياهيه تبكيهم الدار= وتاريخهم معروف بدو وحضيري
وكل(ن) يطوف الكون برحلات واسفار = بيميز الطيبين من الحقيري
وماقلت انا الشعر بـ ,, مدمن وخمار= دايح مقضي الليل كله سكيري
وماقلت انا الشعر بهيسـ(ن) وغدار = الأ لـ ,,غيور(ن) قرم علمه شهيري
يشدى كلامه عد نيرات وادرار = وتلقا العدو من شوح كفه خطيري
جزلـ(ن)عطاياهم ثمنات وكبار = عن افعالهم يالقلت منتى غريري
واللي زرع الخير يجني الاثمار = ويستاهلون الشعر بمدح(ن) كثيري
ولادور العفيات ولاقلت انا اعذار = انا اسيرة الشعر وشعري اسيري
وســــــلامتكم
بقلم
الشمـريه المجهـوله
أنا اسيرة الشعر وشعري أسيري \ بقلم الشمريه المجهوله
العرض العادي
