السلام عليكم
اتمنى ان تنال هذه القصيده على اعجابكم
واذا ماعليكم امر بغيت احد المشرفين الكرام ينسقها
محبكم:سعود الشملاني
البارحه ضاقتبي الدار والدار=وضاقتبي فجوج البلاد الوسيعه
تبدلت لوضاع عاصوف وغبار=وصكات بقعا للخلايق شنيعه
وعسا الكريم يبدل العج بمطار=واجابته فيها الكرم والنفيعه
واخلاف ذا قربت بن(ن)ومسمار=في ليله(ن)برد الليالي صقيعه
ليله بعيني كنها خرم مسمار=والا الهداني في عيونه وسيعه
هدانين ن ماحاش عز ومقدار=واطيب علومه يوم عمه يبيعه
تافه حقير ن من مخاليق اشرار=وسر الخوي ين الخلايق يذيعه
لو طب له جرهد به ورود وازهار=تقفي ليالي عزها مع ربيعه
الفعل مامن فعل وبالهرج ثرثاره= وطبيعته ماهي لمثلي طبيعه
عليك يبن الناس لاصرت محتار=في غيهبن سرك بقلبه وديعه
يدمح خمال اخوه ويقدر الجار=والحر الاشقر للزمن مايبيعه
لامن لفاله ضيف ماساق الاعذار=يقوم له من فوق مايستطيعه
يذكرك عهد الصحابه والا خيار=اهل النفوس الصافيات الرفيعه
وصلاه ربي عد رشات الامطار=على الرسول اللي حكم بالشريعه
شعر:ابوتركي العنزي