( العقيده والوطن )
الحراك اللي بقلبي والشعور /
لانظمتـه في مجالي مستطيع/
والقصيد الليا تبين بالسطور/
عن جزاله والمعاني مانضيع /
كل شاعر له مكان وله حضور/
يكتب اشعاره ويسمعها الجميع/
للمشاعر بيت ضمتــّه الصدور/
وللبيوت اشعار بالذوق الرفيع/
الجزاله ساس مبداها الظهور/
وكل قافً نطرقه عندي يطيع/
من تعدى بالخطاء واصبح يخور/
بالتمادي صار مقداره وضيع/
اشهد انه لو بقى مثل الدبور/
حال المحل لاحل بالدار الربيع/
عاند الحوثي على فعل الشرور /
وانقلب ثعلب وهو حملً وديع/
مده الطاغوت واطغاه الغرور /
مارحم شايب ولا طفلً رضيـع/
من دجل ايران وافكار الفجور/
في( يمنا) بان بالجرم الشنيع/
في يمينه فار مابين الجحور/
خاينً ختال . مـكار ولكيـع /
ياعلي دامك على موتك تدور/
و(عبدالله وصالح )مجمعها جميع/
جيتنا والجرح ينزف والكسور/
وبأمر ربي طبت يالوجه الوجيع/
ويوم خنت الارض ملفاك القبور/
وكل خاين بأرضنا يدفن وضيع/
وبأمر ربي يوم عزمنا نــثور/
قال سلمان العروبه للجميع/
لاجل العقيده والوطن جتك الصقور/
الله عطانا العز والحاكم شجيع/
حان وقت العاصفه وحزم الامور/
اكتمل حلف العرب بأمر السميع /
وبأمر ربي ننتصر عند الثغور /
وترجع ارضك يا(يمن) ورد وربيع/
ياالهي حامي الدار من اهل الفجور/
تنصر اهل الدين ياربي جميع /
ــــــــــــــــــــــــــــــــــــــــــــــــــ ـ
وســلامتـكم ،،،،