منتوقه / بقلمي
ياذا الزمن حيرتني من تحديك
ماللعقل في ضيمك اليوم حيله
ياذا الزمن ماجيتني في تهانيك
وانا انتظرها منك في كل ليله
ياذا الزمن حظي بضيمه مساويك
يعمل على ضدي بكل الوسيله
انت وحظي الله على الضيم يجزيك
اودعت في جوفي سوات المليله
لاجيت ارقد حسيت بقلبي دواكيك
والروح من بين الضماير عليله
اسباب من حطت بقلبي شرابيك
اموت وحيا بين نسع الجديله
ومبيسمٍ من صافي الريق يشفيك
منتوقةٍ فيها الوصايف جميله
من حبها شفت العناء والمهاليك
حبيتها من قلب سنينٍ طويله
اثر الهوى ناسه سوات المماليك
الوقت قاسي والمكاسب قليله
ليت الليالي تحتفيني بتبريك
ياالله يالمعبود همي تزيله
نايف عبدالله السليمي