سميت بسم الله وبديت مآطرا
اقولها والآدمي مامور
وبديت باللي كل حيٍ بدابه
رزاق عميانٍ بوسط جحور
الخالق الرازق على الناس معتلي
ومدبراً خلقه والايجور
انا الحصين من سلايل غفيله
اللابة اللي فعلهم مخبور
قطاعة الفرجه على ديار العدو
فوق الركايب يوم لهن دور
ربيت مع خوال أبوي وجدي
وطلعت من نور ودخلت بنور
صفران لاقالوا عليهن تقدموا
صفاقه الغارة على الصابور
ياوقفن على الحنايا وهلهلن
نعمٍ بهم يادرهم المظهور
نصيحة للي يبي نصيحتي
البدوا واللي يسكتون الدور
عليك بالعليا مزالك تقدر
لاصار بك حيلٍ تنط القور
ترو حلاة العمر ياعيال أوله
بعدين لو بغيت ماتثور
وليانويت تسافر اتكل على الله
تر ماجرا ماينفع المحذور
ولاتخاوي الا كود رجلٍ طيب
قرمٍ على قطع الخطر جسور
اللي ليامنك نخيته بقاله
أما فعل ولا عطاك الشور
واترك ردي الخال لاتعتني به
تره ليا جاء لازمك يبور
عفنٍ ليامنك نخيته تعذرك
يقول رجليني بهن كسور
يامسوي الفنجال زود طبخته
يجيك حلوٍ رايبٍ مقصور
صبه على اللي يدهلونه ربعه
وليا بداله لازمٍ عيهور
سقها على اليمنى وقهو جماعتك
ترك بجمعا لابتك مسرور
الدلة اللي مايعمله راعيه
ودك طوحها بليا شور
ودك طوحها ولاتراعي مطبه
ياصار ماتقلط مع الميسور
ياصار ماتركى على حامي اللضى
وتلقى عليه الغانمين حضور
هذيك وشوله من السوق تشريه
خله على محله يامثبور
معيرة كان انت ماتعرف قدره
ياصار مهي بواجبه تفور
عليك بالشبات وترك شبته
ياصار منت بشبته مجبور
تلقى غلامٍ دايمٍ معتني به
قرم ٍ على حام اللهب صبور
خطوى الولد يعجبك سكبت زوله
وهو مايضهر الخبزه من التنور
وخطوى الولد ياشفت زوله تعيفه
وهو نيرةٍ بصرف مايبور
يالله تهدانا على اللي تحبه
ونتبع طريق محمد المبرور
هذا وصلى الله على سيد البشر
محمد اللي مامشى بالزور
ناصر شوشان الحصين
للوالد الله يرحمه
وطلعت من نور ودخلت بنور
العرض العادي
