المرجله

المرجلة يتعب لها طيب الفال=تبغى شجاعآ مايهاب الهزيمه
تعرف بفعل الطيب ماهو بالاقوال=وتبغى لها همة ونفسآ كريمه
المرجلة مانالها غير الابطال=اللي على الطالات فيهم عزيمه
دايم وهم لطيب والجود مدهال=اهل المواقف والقلوب السليمه
والمتلزم بالدين في كل الاحوال=يلقى السعادة والهنا والحشيمه
والطيب ماهو بس في كثرة المال=ياكم فقيرآ له فعولآ عظيمه
وياكم غني ماهو بمحسوب رجال=راع الردى فيه المدايح ظليمه
حتى ولو فيه اجزل الشعر ينقال=مدح الردي عند النشامى جريمه
وترى الردي موجود في كل الاجيال=دايم يجي في كل قومآ بهيمه
وطبع الرجل لاصار للهرج نقال=ماله مع اهل الطيب قدرآ وقيمه
ياشين حظ اللي وقف جنب الانذال=باع الضمير ولابقى فيه شيمه
يشوف ابن عمه تحت ظغط الاهوال=وانحاز صوب اهل الردى والنميمه
على ابن عمه شان يوم الدهر مال=ولاقدر اهل المرجلة والحشيمه
مثله خسارة يحسب حساب رجال=حيث الرجل يكرم عن اهل الشتيمه
دامه مخاوي له رخومآ وجهال=طباع اهل القلوب الوخيمه

بدرالخمسان