يارفيقي هاك جـــزل المفردات
ياصلك زين المعاني والقصيد
ابيك تفهما وهات الرد هـــــات
واختصر في ردها واحذر تزيــد
ياليت تشرح لي امورٍ غامضـات
ادري انك دايماً رايك سديد
كان لي ربعٍ وزينين الصـــــفات
سنين معهم حالنا دايم سعيد
يوم اغتنو نسيو سنينٍ ماضــيات
باعو العشرة وخـــلوها تبـــــيد
وإن سألنا ودنــــا بالطـــــــيبات
صرّفونا بعذر مكشــــوفٍ جديد
امثالهم واجــد وكلٍ له صـــفات
فلوسهم صارت لهم ركنٍ شــديد
ابغى جوابٍ واضحٍ ويش السوات
من يجاوبني ويعطيني المفيد ؟؟
( احمد بن ناصر المحرج )
15 / 7 / 1442
( من يجاوبني )
العرض العادي
