قال من هو لابغا القاف بداع القصيد=لو تكلف في بعض شي لاراد قصده
راكب اللي صانعينه صنانيع الحديد=فكربها ديملر وصنعه للي بعده
مورث له صنعةٍ هو يبيد ولاتبيد=اعجبتنا بالقديمات واعجبنا جدده
بنز يوم ان الهوى هب للبنز الشديد=حي هباب الهوى حيها حي شدده
الف كيلو دوجوبه للتمرين الجديد=ورقم واحد من ورى الالف ياسايق قده
اقطم كنه مصنع على الطرقات سيد=وابيض لونه يامرزوق تقول برده
منوة الملتاع مثلي لياخمته ميد=صاحبه لامامقت نجد واعتاف بلده
واستوتله واستواله على القلب الركيد=قضبه خط القصيمي وساقه وجلده
يانديبي طارة البنز هذا ماتريد=وانا حقي منك اوصيك ووصاتي بده
جنبه عن درب لينه لاأسباب عديد=عن طريق ٍ به مطبات وقني جنده
ونحره دار طيوره مناقيره حديد=دار ناس له مع المال نزله وصعده
به لبا الخيل إرتسامات وقصور ورصيد=وبه عجاج للصريفي وهذي في حده
وانت حده يانديبي على درب يحيد =مع طرف حيث الطرف خير واليسر معده
وان تعديت ارتجل تفتهم منت ببليد=جعل دربك سمهدان ومسراك سهده
دور دروب الحفر يارسل تاتي بعيد=داير بريده وإن انوارها خلفك غده
وإحذر الزلفي ودربه لكانه بس سيد=وفيه لفات على حدور واحيان سنده
اشكر الالمان كانه على الفه ركيد=خص لانوشته البنص ثقلت واركده
ارحبه مالك مفات ومناص ولامحيد=يوم كلٍ يحترص باالسفر نيل قصده
مقصدك مرزوق يمه مسافير النشيد=شرد ٍ لي كل ماقلت ابحكمها شرده
للشاعر يخضع له القاف لو انه عنيد=نظرته بالشعر ثقبه ووساع بنده
وان نصيته بالزايم جزوم مايحيد=من تحلف بابو جراح يبشر بسعده
جعل حفر الباطن يعله المبدي المعيد=من مزون سامرٍ برقها فوق رعده
مع دخول الوسم تقبل ترزز من بعيد=وان تعلت فوقها بللت يبس خدده
حيثها دار بها رجال وايضا نقار صيد= والله اعلم في نوايا العباد وبعقده
وانت لامنه حصل واجب إضيافتك اكيد=بلغه زاكي سلامي وخطٍ في يده
له سلامي عد مابه من حروف وقصيد=وعد ماشحت من كفوف وكفوف نده
سايقه واردف عليه الشكا حيثك عضيد=وحيث يامرزوق روحي توازت وزهده
شيب عيني كل ماقلت هباته تهيد= لاتهاود سهد عيني ولا الهوجا هده
حا لة الغربال كني مع ايامي تزيد=كل مازادت تزاود بها زود نكده
سمهرتبي كود مابي على هم نكيد=عث في قلبي وشرح عروقه وملده
والله إن الحب هذا الجديد انه يبيد=اكثر العالم سواميح واغلبها حسده
لين رحنا سيفهان دوادينا تعويد=ضيق صدر اللي ضنوكه بصدره ماعده
ارتحل فوق اشقح الكور واطوي كل بيد=واجد اني راحلٍ من وإلى مامن جده
واتعنى وآتعوذ واروقب واستحيد=ساعةٍ لامرت اقول ماعندي مده
وانا والله كيف رجلي لياعديت حيد=كن ناري لاتعديت بالحيد برده
واستريح للهمسة الود ومشاكا النشيد=كنها زفرات صدري ليافاح لهده
مسنده
العرض العادي
