حياكم الله اخواني على هذا الحضور ..
ونعيد لتكمله ما بدئناه من عزاوي والقاب قبيلة شمر ...!!!!
.
.
.
.
.
أخو صلفه
عزوه الفارس والشيخ ضاري بن برغض بن طواله شيخ عشيره الاسلم وكان يرحمه الله من اشهر فرسان العرب المعدودين ووصفه الشاعر محمد العوني بقوله :-
وأنخ ضاري والأسلم قل تجي كله = أخو صلفه إلى منه كلح نابه
وقالت الشاعر وضحاء الاسلميه :-
له ربعة ٍ تلقى بها كل مشهاه = ودلال صفر ٍ ما يغيب سريبه
وصحون دوم ٍ للنشاما مملاه = واذناب حيل يرجى حليبه
شيخ ٍ نماري به إلى حل طرياه=لو كان عنا بالديار الغريبه
يا شوق من كل العسل في شفاياه=ينقض على الأمتان شقر الذويبه
ضاري عسى سهوم المنايا تعداه = عز الرفاقه هو سطام الحريبه
الشيخ اخو صلفه زبون المجناه = تلقى النجوع الخايفه تتقى به
.
.
.
.
.
الأشمل
هو لقب لأمير محمد بن عيسى بن علي من امراء حائل وله يرحمه الله عده القاب منها ( أخو خنساء - السمن العرابي ) وسمي بالاشمل
لأمتداد حدود امارته من حدود تمياء الى حدود العراقب شمالا .
والأشمل
ايضا لقب للفارس الشجاع الشيخ بنيه بن قرينيس الجرباء من شيوخ ومشاهير قبيلة شمر ومن الفرسان الذي لا يشق لهم غبار وقد نرثته ابنته عبطا بهذه القصيده التي اقتبس منها بعض الابيات :-
البارحة عين المشكى جراله = سهري اليا ما بين الصبح وانجال
بالقلب صدعن مايفون الدلاله = متجهمة والله عليم بالأحوال
عليك يا ستر العذارى دلاله = اوي والله يا هل الخيل خيال
بنية بعيد العلم يسوى اعداله = يا مااصفقت يمناه من مال ورجال
الأشمل اللي ماضياتن افعاله = زيزوم غلبا امعدل الشيل اليا مال
يا ما عطى من كبه سلاله = سابقة الغارة من الخيل مشوال
ويا ما نحى بالسيف من صعب قاله = ويما لطم من دونكم كل من عال
ويا ما شربتوا من قهاوي دلاله = وقت الغلى يرخص لكم غالي المال
جمع حباله ثم لمه وشاله = وتقنطرت من كثر الأقفا والأقبال
هو الفقيده من عواني رجاله = صادوة بالحيلات في خندق الجال
اخسوا خسيتوا ما خذيتوا بداله = ولا وقفتوا موقفن يعجب البال
محد زرق رمحه ولا حدن ثناله = ولا صار عنده عركتن تشده البال
خلوه بقبره وحيدا لحاله = امقابلن بالهور قصر ابن شلال
واليا مضى لي عشرتن من اهلاله = اليا تقل يضربني من الضيم سلال
وقد توفي في بداية العام 1816م .