السلام عليكم ورحمة الله وبركاته
..
.
هذه قصيده قيلت بالآمير // محمد بن عبدالله بن رشيد " المهّاد "
وسببها انه اغار ابن صباح على النويحر وهم من قبيلة عنزه
غزاهم ابن صباح وأخذ نياقهم وكانوا حينها جيران لشمّر
وأرسل النويحر يستنجد وينخى الآمير محمد بن عبدالله
فجهّز الامير الجيش ودخل الكويت وأخذهم ..
يقول ناصر العنبر : -
حرٍ شلع من قصر حايل مدلي=يارب زيّن بالمدالي وفوقه
يشلع وياخذ بالخضيرا تعلي=وكل القبايل شبهروا في سبوقه
كز الوعايد والرسايل تصلي=وقال اطلعوا ياغوش صبيان سوقه
جاه النويحر قال : ياهدمتلي=غدابه اللي ماهقابه لحوقه
قال انفهج ماني لغوجك مخلي=انشد عنه هي غرب ولا شروقه
وركّبوا على مثل النعام المظلي=والعيد خلي ما لقى من يذوقه
بس العذارى وعندهن منيّسلي=يذبح ضحاياهن ويرشف مروقه
وخلاف هذا يا راكب بكرةٍ لي=ما هي لحوحٍ بعقب رجلك تسوقه
تلفي لإبن صباح وقت المصلي=ومكيّفن بين البنادر وسوقه
قلــه افتهم حنّا الطـــنايا لدارك ندلّي=وماء البحر لو هو ملاحٍ نذوقه
يمسّي بخير وخاطره مسفهلي=ويصبح قناطير الفرنجي ريوقه
..
.