تولى امارة حايل عام 1265 هجري الامير طلال عبد الله الرشيد وكان طيب النفس كريم وقال عليه فواز السهلي قصيده وبعدها قصيده للشاعر محمد عبدالله القاضي من اهل عنيزه
أول قولنا نثني على الله = ان ينجينا من اشرار الخطاري
ويوصلنا ديار نمتنيها = ويو صلنا مواكير الحراري
سلام عدد مزنً ترزّ م = وماناضت بروقه بالعذاري
سلام عدد ماهل وامطر = ومابعد المطر بالخد جاري
سلام على شيخ الشيوخ =وريف الضيف بأيام العساري
سلام وقوك ياطلال = لطام المعادي مايداري
طلال كما بدر تظهّر = بليل النصف كن ليله نهاري
طلال كما نجم تحدّر = الى صكّ الصّفا حطه كساري
طلال على الحربي عذاب= ياخذ المال وايتام الذراري
وقالوا مات عبدالله وماتوا =كل من به جنّ خماري
وشب الحرب من عقبه طلال = ساس الجود ماخذها عذاري
ارخا السيف لين الكل دنق = وخلا الطير تبع للحباري
من الحرّه ألى وادي المجرّه= مايرعى بها قوم تجاري
أحد انهزم واقفا وراح =واحدً يدخله دين البخاري
سناعيس ومقدمهم طلال = سيف الهنّد بّتار العذاري
سناعيس ليا وردوا صيام = يسقون العدوّ كاس المراري
سناعيس ليا كثر الطريح = أحد ميّت واحد يثاري
سناعيس ومامعهم قصير = كود رماحهم هي والهواري
سناعيس اهل طاس ودرع = ومن الجوخ خالطها حماري
سناعيس اهل جيش وخيل = سناعيس أهل عكف الشّباري
سناعيس ليا بار العميل =لياسرى بهم قالوا عثاري
سناعيس ليا صاح الصياح = وركبوا من على قبّ المهاري
وكم من حلّة تمسي بخير =ماجاها من المحذور طاري
لماأصبحت جاهم طلال = وسيف العزّ يمشي له يباري
طلال لو قلبك حجر أو حديدي = أمداه من حامي وطيس الوغى ذاب
شبيت في نجد نار الوقيدي = واحرقت فيه عداك وأذيت الأصحاب
واكسيت ملكك ثوب عزً جديدي = وسليت حقد عدّاك ياعزّ الا قراب
بحرب وضرب شاب منه الوليدي = مالوم من عداك يومً ولا شاب
تلقى الخطوب بباس ليثً شديدي = وعزايم عزّت على عمر وشهاب
أحيت شجاعة خالد بن الوليدي = وانسيت قالات لابي زيد وذياب
لوكان عمر بن معد الزّ بيدي = حي لجا بحماك يازاكي الانساب
حيثك وفيً بالوعد والوعيدي = غيثً وليثً حضرميً وغلاب
ساروا له الحكام مثل العبيدي = واسقى سراج العزّ من دم الارقاب
بالغت في مدحه ولاصح بيدي =ولاأحصي خصالً عجزت كل حساب
يقصر عنه وينفذ نشيدي = ومن الثنا لي خاطرً مابعد طاب
بأولاد عمه كاسبين الحميدي = شمر ينابيع الصخا حصن الأطلاب
يما هفا بايمانهم من عقيدي = ولاجنبوا عن قالةً خوف طلاب
قوم لياركبوا على حرد الأيدي = شفت القلايع كالجراذين هرّاب
وصلوا على الشافع بيوم الوعيدي= محمد المختار وآله والاصحاب