[poet font="Arial,5,white,normal,normal" bkcolor="black" bkimage="" border="double,10,white" type=2 line=200% align=center use=ex length=0 char="" num="0,black" filter=""]
البارحه قلبي تزايد عذابه= والعين كنه للفراش مغصوبه
قلت الخبر قالوا تحّمّل صوابه= امرٍ جرى كل الجماعه درّوبه
ابو نزار الله يطيب ترابه=حلّ اجله المكتوب ماهي اعجوبه
ولد الشجاع اللي عدوه يهابه=كم القلوب اللي عليه معطوبه
فقيدةٍ على جميع القرابه=هذا الخبر يوم الثلوث اعلنوا به
تنعاه شمّر والجبل مع هضابه=هاك العرين اللي لبس منه ثوبه
من صلب عبدالله مهدّي صعابه=تاريخهم كل العرب سولفوبه
عدّا سنام المرجله واعتلا به= يوم انها تصعب عليهم ركوبه
امجاد ما تحصى كثيرٍحسابه=ماهم من اللي فعلهم بس نوبه
مع الشجاعه والكرم خّف نابه=حمولةٍ عند الجميع محبوبه
والبيت فيه اللي يسد بغيابه-خلّف لنا شبلٍ تعلم دروبه
نزار ومهند شريفاً جنابه= كل الطريق اللي مشىبه مشوابه
عساه بجوار النبي والصحابه= في منزلٍ خير العباد نزلوا به
يوم الحشر تنقل يمينه كتابه = تقبل حسناته وتغفر ذنوبه
منا الدعا والله عليه الاجابه= والخاتمه يالله ذيك المثوبه
_________________
للشاعر وعلان
حماد الشرهان
في 11/4/1413 هـ
[/poet]