ابيات متواضعه
*يامرحبا بالجرح والحزن والتيه * = مع همي اللي شفت لونه وذقته
كل الذي في طرف عيني مشاريه = على غلاك اللي خذيته وسقته
الدمع صاحبني وانا جد مبغيه = تعبير مابين الجفون ونطقته
انا الجديد وطاري الامس مابيه = طاب الخفوق وكل مابه عتقته
ماكل من خاوى زمانه يخاويه = بعض البشر يشكي همومه لوقته
واللي شكى للوقت جملة بلاويه= ياصاحبي بعض العباير خنقته
شفني بدل ماقول ياصاح لبيه= زفرت نفحات الجفا ماشهقته!
لاتسأليني كيف.وشلون او ليه؟= هذا قدر واكبر همومي عشقته!
كل مانسينا شئ..جدت بلاويه= يجي حرام..ومن حلالي سرقته
طبعي كذا..مجبور امشي واجاريه= ماهو بكيفي لو تركته وعقته
اكثر مداد الهم..!!من مُر خافيه!!= شئٍ ورى المستور شفته وذقته
تقديري للجميع