قصيده للشاعر برجس بن نشا العتيبي
عندما شاهد صورة حميد بن صلفيق الشلاقي
في الجريده في تجمع مع شيوخ شمر في احد الجاهات
قـال العتيــبي
شفت صورة حميد الشمري بالجريدة=بيّض الله وجهك ياحميـد الشلاقـي
انت رجلآ كريم وبك صفاتن حميدة=تفعل الطيب دايم ماتحـب النفاقـي
يوم رحتو وجاهة يـم ذاك الوليـدة=تطلبون العفو للي من السجن ضاقي
أنت وشيوخ عبده طيبيـن العقيـدة=وشيخ شمل الرمال مزهبين الطراقي
ماخسرتو وناصر بالسجن فك قيـدة=عقب ماكان محكومن بقص العناقي
والفرح للسعيّـد والعـزاء للفقيـدة=رحمة الله عليه عداد كتب البراقـي
فكــان لي رد على قصيدة العتيبي
يابرجس علومك ترا مي جديده=لاجيت تب تمدح حميد الشلاقي
قصايدك يابن نشـاء يالوليـده=ماتوفي الغلبا و لوهـي تساقـي
لو هي ذهب وعقود لولو فريده=ولا مثل عشـب نبتـه دقاقـي
شمر ترا من يوم خلق البديـده=وهم لبذل الخير رعد وبراقـي
كما مزون الخير تسقي عبيـده=وعلى العدا شر ان به تلاقـي
افعالهـم يالله جعلـه سـديـده=وفق مساعيهم لفـك العواقـي