أسعد اللّه مساكم جميعاً مشاركه بعد غياب يعلم اللّه لمشاغل خاصه أعتقد نوهة عنها للأخوه القائمين على هذا الصرح الشامخ في زواج فيصل أتمنى أن تخفف بعض الشي مشاركتي هذه تنسون العتب مع التحيه والإحترام للجميع بلا إستثناء ؟؟ سأحاول التواصل كلما فضيت
أعذروني أتترككم مع المشاركه ؟؟
الليل قفى يأجودي وأقبل الصبح = والنفس من زود الهواجيس ملّت
والوقت قاسي والسبب حضّي القبح = وعيني من الأحزان ياخوي كلّت
ياللّي سألت اليوم وش قصّة الذبح = الموت لامن ساعة الياس حلّت
ذيب ٍ عوى بس البلا جفّله نبح = يعني على ماقيل عزّتك ولت
ياذيب ياعزّاه من صوتك الضبح = ماهو زمانك بس الأسماء ضلّت
الليل مايغنيك لوتسبحه سبح = لاتندفع دام المفاهيم قلّت
طيف ٍ يلوح بعينك وتشبحه شبح = ذاك الأمل دام الذيابه تخلّت
أستأذنكم ولي عوده