السلام عليكم ورحمة الله وبركاته
قصيده متواضعه ارجوا ان تنال اعجابكم
حاولت انسقها ولكن لم اجد خيار التنسيق وقمت بإقتباسها والمعذره من الجميع,
اقتباس:
|
المشاركة الأصلية كتبت بواسطة إبراهيم الحسان
سوالف ليل تطربهم وانا يدي على خدي=لئيمه هالاماكن يافهد وا عزي لحالي
انا اذكر قبل خمس اسنين مابه واحدٍ قدي=يكود سهيل يوم اني سهرت الليل و اومالي
سريته ماحسبت حساب لأسراري هي و سدي=ابيح اللي كتمته بالخفوق لبعض الاشكالي
وانا مالي ببعض الناس دامه شخص متردي=يعيش الهامش المركون لاجيته ولاجالي
ولكن شرهتي تكبر وانا ياخوك ماودي= تموت احسن من الواقع ولابي شئ يبقالي
انا جرحي علاجه ياسنادي ماهو بيدي=قديم ولاله مداوي سوى صمتي و غربالي
تعال اعطيك من عندي سوالف ياخلف جدي=مواويلٍ مرتبها على مر وعلى حالي
انا كبيت فنجال الغدر عن مزحي وجدي=واعرف الناس كلٍ في مقامه طامن وعالي
مشيت مخاوي الطيّب ولا خاويت متعدي= حدود الله عارفها واخاف الباري الوالي
واذا كانوا يبوني للنميمه جايب مودي= فأنا عن ماوطت رجلي كبير ودوم متعالي
يميني لاعطت تعطي ولاتاخذ من مقدي= وعلى كثر العطا زادو حواسيدي وعذالي
تعودنا على مبدأ سحابة صيف وتعدي=ويروح الصيف في حضن الشتاء والغيم يبرالي
سواد قلوب يجمعهم وانا ادري كلهم ضدي=ومسافات الكرم تفصل منازلهم ومنزالي
|
سوالف ليل
العرض العادي
